கீழ்ப்படிதல் உள்ளவர்களாயிருந்து தேவபக்தியுள்ள வாழ்வை வாழுங்கள் (1 பேதுரு 2:11-25)
கீழ்ப்படிந்திருத்தல் என்பது கிறிஸ்தவ வாழ்வின் அத்தியாவசியமான கூறாக உள்ளது கீழ்ப்படிந்திருத்தல் பற்றிப் பேதுரு தமது புத்திமதிகளைத் தொடங்கும் முன்னர், கீழ்ப்படிந்திருத்தலைத் தக்க கருத்து நோக்கில் இட உதவுவதற்கான மற்ற அறிவுறுத்துதல்களை அவர் கொடுத்தார்
எவரொருவரும் குற்றம்சாட்டக் கூடாத அளவுக்குத் தேவபக்தியுள்ளவர்களாக வாழுங்கள் (2:11, 12)
பேதுரு ஏற்கனவே இருமுறை, மனிதரின் அழிந்து போகும் இயல்பு பற்றி மறைமுகமாய்க் குறிப்பிட்டிருந்தார். அவர் தமது வாசகர்களை உண்மையான இளைப்பாறும் இடமின்றி, உண்மையான உடைமைத்துவம் எதுவுமின்றி இருக்கும் அந்நியர்கள் என்று விவரித்தார். திறவு வார்த்தைகள், தெரிந்துகொள்ளப்பட்ட பரதேசிகளுக்கு” என்று உள்ளன (1:1), 1:17ல் அவர் இங்கே பரதேசிகளாய்ச் சஞ்சரிக்குமளவும் பயத்துடனே நடந்துகொள்ளுங்கள் என்று கூடுதலாகக் கூறினார், மற்றும் 2:11ல், “பிரியமானவர்களே, அந்நியர்களும் பரதேசிகளுமாயிருக்கிற நீங்கள் ஆத்துமாவுக்கு விரோதமாய்ப் போர்செய்கிற மாம்ச இச்சைகளை விட்டு விலகி” என்று தொடர்ந்தார்
முற்பிதாக்களின் பழைய ஏற்பாட்டு உலகம் பேதுருவின் சிந்தனைகளுக்குப் பங்களித்தது. அந்தக் காலத்தில் அந்நியர்கள் அஞ்சினர், மற்றும் மக்கள் அச்சமுற்றிருக்க ஒவ்வொரு காரணத்தையும் கொண்டிருந்தனர். அவர்களின் உடைமைகள் பறிமுதல் செய்யப்படலாம் அல்லது அவர்கள் கொல்லப்படலாம், மற்றும் எவரொருவரும் எதிர்க்கமாட்டார்கள். பஞ்சம் ஆபிரகாமை எகிப்து செல்லும்படி கட்டாயப்படுத்தியபோது அவர், சாராளைத் தனது அந்தப்புரத் திற்குக் கொண்டு செல்ல விரும்பிய வல்லமையுள்ள அதிகாரி தம்மைக் கொன்றுபோடுவான் என்று பயந்திருந்தார். எகிப்தில் அவர் அந்நியராக இருந்தார், ஆனால் எகிப்தில் மட்டுமல்ல. அவரது மனைவி கானானில் இறந்தபோது, அவர் அந்த நாட்டில் நிரந்தரமாகத் தங்கியிருந்தவர்களின் அனுமதியின்றி அவளது உடலைப் புதைக்கக்கூட இயலாதிருந்தார். அவர், “நான் உங்களிடத்தில் அந்நியனும் பரதேசியுமாய் இருக்கிறேன். என்னிடத்திலிருக்கிற பிரேதம் என் கண்முன் இராதபடிக்கு நான் அதை அடக்கம்பண்ணுவதற்கு உங்களிடத்தில் எனக்குச் சொந்தமாக ஒரு கல்லறைப் பூமியைத் தரவேண்டும் என்று விளக்கப்படுத்தினார் (ஆதியாகமம் 23:4)
இஸ்ரவேலின் தேசீய உணர்வானது, எகிப்தில் அந்நியர்களாக இருந்த அவர்களின் அனுபவத்தை நினைவுகூருதலை உள்ளடக்கியது இந்த நினைவுகூருதல், அந்நியர்களை இரக்கத்துடன் நடத்த அவர்களுக்கு ஒரு ஊக்குவித்தலாக இருந்தது (லேவியராகமம் 19:34), உண்மையில் தேவன், தமது மக்கள் இந்த பூமியின்மீது இல்லத்தில் இருப்பது போன்று அமைதியாக ஒருக்காலும் இருக்க இயலாது என்பதை இஸ்ரவேல் மறக்க அனுமதிக்காதிருந்தார் லேவியராகமம் 25:23ல் தேவன், நிலமானது ஏன் அறுதியாக விற்கப்படக் கூடாது என்பதைப் பின்வருமாறு விளக்கினார்: “தேசம் என்னுடையதாயிருக்கிறபடியால், நீங்கள் நிலங்களை அறுதியாய் விற்கவேண்டாம்; நீங்கள் பரதேசிகளும் என்னிடத்தில் புறக்குடிகளுமாயிருக்கிறீர்கள்