யோவான் 13 விலக்கவுரை
ஆ - கர்த்தருடைய பந்தியைத் தொடர்ந்து நடைபெற்ற நிகழ்ச்சிகள் (யோவான் 13:1-38)
1. இயேசு தன்னுடைய சீஷர்களின் பாதங்களைக் கழுவுகிறார் (யோவான் 13:1–17)
யோவான் 13:1-5
1 பஸ்கா பண்டிகைக்கு முன்னே, இயேசு இவ்வுலகத்தைவிட்டுப் பிதாவினிடத்திற்குப் போகும்படியான தம்முடைய வேளை வந்ததென்று அறிந்து, தாம் இவ்வுலகத்திலிருக்கிற தம்முடையவர்களிடத்தில் அன்புவைத்தபடியே, முடிவுபரியந்தமும் அவர்களிடத்தில் அன்புவைத்தார். 2 சீமோனின் குமாரனாகிய யூதாஸ்காரியோத்து அவரைக் காட்டிக்கொடுக்கும்படி பிசாசானவன் அவன் இருதயத்தைத் தூண்டினபின்பு, அவர்கள் போஜனம்பண்ணிக்கொண்டிருக்கையில்; 3 தம்முடைய கையில் பிதா எல்லாவற்றையும் ஒப்புக்கொடுத்தாரென்பதையும், தாம் தேவனிடத்திலிருந்து வந்ததையும், தேவனிடத்திற்குப் போகிறதையும் இயேசு அறிந்து; 4 போஜனத்தை விட்டெழுந்து, வஸ்திரங்களைக் கழற்றிவைத்து, ஒரு சீலையை எடுத்து, அரையிலே கட்டிக்கொண்டு, 5 பின்பு பாத்திரத்தில் தண்ணீர் வார்த்து, சீஷருடைய கால்களைக் கழுவவும், தாம் கட்டிக்கொண்டிருந்த சீலையினால் துடைக்கவும் தொடங்கினார்.
1 பஸ்கா பண்டிகைக்கு முன்னே, இயேசு இவ்வுலகத்தைவிட்டுப் பிதாவினிடத்திற்குப் போகும்படியான தம்முடைய வேளை வந்ததென்று அறிந்து, தாம் இவ்வுலகத்திலிருக்கிற தம்முடையவர்களிடத்தில் அன்புவைத்தபடியே, முடிவுபரியந்தமும் அவர்களிடத்தில் அன்புவைத்தார். 2 சீமோனின் குமாரனாகிய யூதாஸ்காரியோத்து அவரைக் காட்டிக்கொடுக்கும்படி பிசாசானவன் அவன் இருதயத்தைத் தூண்டினபின்பு, அவர்கள் போஜனம்பண்ணிக்கொண்டிருக்கையில்; 3 தம்முடைய கையில் பிதா எல்லாவற்றையும் ஒப்புக்கொடுத்தாரென்பதையும், தாம் தேவனிடத்திலிருந்து வந்ததையும், தேவனிடத்திற்குப் போகிறதையும் இயேசு அறிந்து; 4 போஜனத்தை விட்டெழுந்து, வஸ்திரங்களைக் கழற்றிவைத்து, ஒரு சீலையை எடுத்து, அரையிலே கட்டிக்கொண்டு, 5 பின்பு பாத்திரத்தில் தண்ணீர் வார்த்து, சீஷருடைய கால்களைக் கழுவவும், தாம் கட்டிக்கொண்டிருந்த சீலையினால் துடைக்கவும் தொடங்கினார்.
இந்த அதிகாரத்திலிருந்து யோவான் நற்செய்தியின் ஒரு புதிய நிலைக்கும் ஒரு புதிய செய்திக்கும் முன்னேறிச் செல்கிறார். இதுவரை அவர் பொதுமக்களிடத்தில் பேசிக்கொண்டிருந்தார். “வெளிச்சம் இருளில் ஒளிர்கிறது; ஆனால் இருளோ அதைப் பற்றிக்கொள்ளவில்லை” என்பது அவர்களுடைய வாழ்க்கையில் நிருபணமானது. அப்படியானால் இயேசு தோல்வியடைந்து விட்டாரா? இல்லை! பொதுமக்கள் அவரை ஏற்றுக்கொள்ளாவிட்டாலும், அவரை விசுவாசித்து ஆயத்தமாயிருந்த ஒரு கூட்டத்தை அவர் தம்முடைய சீடர்களாகச் சேர்த்து வைத்திருந்திருந்தார். இந்த அதிகாரங்களில் ஒரு மணவாளன் மணவாட்டியினிடத்தில் பேசுவதுபோல தெரிந்துகொள்ளப்பட்டவர்களிடம் இயேசு பேசுகிறார். அவர் அவர்களுடையவராயிருப்பதுபோல அவர்களும் அவருடையவர்களாயிருக்கிறார்கள். இயேசுவின் இந்தச் சொற்பொழிவுகளில் இறைவனுடைய அன்பே கருப்பொருளாயிருக்கிறது. இந்த அன்பு வெறும் சுயநலமான உணர்ச்சியாக இல்லாமல் சேவைக்கான அழைப்பாக இருக்கிறது. வேதாகமத்தில் அன்பு என்பது தகுதியற்றவர்களுக்காக நம்மை தாழ்மையுடன் ஒப்புக்கொடுப்பதாக சித்தரிக்கப்பட்டுள்ளது. இந்தப் பேச்சுக்களில் இயேசு தம்முடைய குணாதிசயங்களில் சிறப்பானதைத் தம்முடைய சீடர்களுக்கு விளக்குகிறார். ஒரு வேலைக்காரன் என்ற உருவகத்தின் மூலமாக அவருடைய வாழ்வு, மரணம் மற்றும் உயிர்த்தெழுதலைப் பற்றிப் பேசுகிறார்.
அடுத்த பஸ்காவிற்கு முன்பாக தான் மரிக்கப்போவதாக அவர் தம்முடைய சீடர்களிடம் சொன்னார். அவர் தம்முடைய பிதாவினிடத்தில் செல்கிறார். இதுதான் உங்கள் வாழ்வில் திசையாகவும் இருக்கிறதா? அவர் இந்த உலகத்தில் இருந்தபோதிலும் அவருடைய பார்வை எப்போதும் தம்முடைய பிதாவை நோக்கியதாயிருந்தது. வல்லமையும், வழிகாட்டுதலும், சந்தோஷமும், தீய மனிதர்களுடன் போராடும் திறனும் அங்கிருந்தே அவருக்குக் கிடைத்தது. தம்முடைய பிதாவுடன் இருந்த ஐக்கியத்தினால் தமது சீடர்களில் ஒருவன் சாத்தானை தன்னுடைய இருதயத்தில் ஆராதிக்கிறான் என்பதையும் அவர் கண்டார். அந்த மனிதன், பொருளாசை, பெருமை, வெறுப்பு போன்ற தன்னுடைய பாவங்களை மெதுவாக வெளிப்படுத்திக்கொண்டிருந்தான். ஆயினும் அந்தத் துரோகியையும் இயேசு வெறுக்காமல், இறுதிவரை அவரை நேசித்தார்.
அந்தத் துரோகியின் செயலுக்கு இயேசு வேறு வழியில்லாமல் விட்டுக்கொடுக்கவில்லை. யூதாúஸô, காய்பாவோ, பிலாத்துவோ, யூதமதத் தலைவர்களோ அல்லது மக்கள் கூட்டமோ என்ன நடக்கப்போகிறது என்பதைத் தீர்மானிக்கவில்லை. குமாரன் தம்முடைய பிதாவுக்குத் தம்மை ஒப்புக்கொடுத்த காரணத்தினால் அவர் அனைத்து ஆவிகளையும் மனிதர்களையும் கிறிஸ்துவிடம் ஒப்புக்கொடுத்தார். இந்த பயங்கரமான நிகழ்ச்சிகள் வழியாகக் கடந்து வரும்போது இவையனைத்துக்கும் தோற்றுவாயாகிய பிதாவையே இயேசு நோக்கிக்கொண்டிருந்தார். நடக்க வேண்டிய நிகழ்ச்சிகளின் கால அட்டவணைப்படி அவர் இறைவனுடைய ஆட்டுக்குட்டியாக மரிப்பதற்கு ஆயத்தமாயிருந்தார். இயேசுவே வரலாற்றின் போக்கை மாற்றும் ஆண்டவராயிருக்கிறார்.
இயேசு தான் மட்டும் தம்முடைய பிதாவினிடத்தில் செல்வதை விரும்பாமல் தம்முடைய சீடர்களும் இறைவனுடைய நல்ல சித்தத்திற்குள் கொண்டுவரப்பட வேண்டும் என்று விரும்பினார். நடைமுறையில் தெய்வீக அன்பு எவ்வாறு செயல்படுகிறது என்பதைக் காண்பிப்பதற்காக தாழ்மையின் அடையாளம் ஒன்றைப் பயன்படுத்தினார். அவர் ஒரு வேலைக்காரனைப் போல தம்முடைய சீடர்களின் பாதங்களைக் கழுவி அவற்றைத் துடைத்தார். அவர்கள் நடுவில் அவர் தன்னைத் தாழ்த்திய இந்தச் செயலின் மூலமாக இறைவன் மனுக்குலத்திற்குச் சேவை செய்கிறார் என்பதைப் புரிய வைத்தார். கர்த்தர் இறுமாப்பாய் ஆண்டுகொள்பவர் அல்ல, முழங்கால்படியிட்டு நம்மைச் சுத்திகரித்து அவருடைய சாயலுக்கு ஒப்பாக மறுரூபப்படுத்துகிறார்.
இயேசுவே நம்முடைய மேலான உதாரணம். நாம் எப்போது அவருக்கு முன்பாக விழுந்த அவரை ஆராதிப்போம்? நாம் எப்போது நம்முடைய வணங்காத தலைகளையும் கடினமான கழுத்துகளையும் அவருக்கு முன்பாக முடக்குவோம்?
சகோதரனே நீங்கள் உடைக்கப்படாதவராக, உங்கள் சகோதரருக்குச் சேவை செய்யாதவராக, உங்கள் எதிரிகளை நேசிக்காதவராக, காயப்பட்டவர்களுக்கு காயம்கட்டாதவர்களாக இருக்கும்வரை நீங்கள் உண்மையான கிறிஸ்தவராக இருக்க முடியாது. நீங்கள் வேலைக்காரனா அல்லது எஜமானா? இயேசு எல்லா மக்களுக்கும் வேலைக்காரனாகவும், உங்களுக்குச் சேவைசெய்ய தன்னை தாழ்த்துபவராகவும் இருக்கிறார் என்பதை நினைத்துக்கொள்ளுங்கள். நீங்கள் அந்த சேவையை ஏற்றுக்கொள்ளும்படி உங்களைத் தாழ்த்துவீர்களா? அல்லது பெருமையுடன் அது உங்களுக்குத் தேவையில்லை என்று கூறுவீர்களா?
யோவான் 13:6-11
6 அவர் சீமோன் பேதுருவினிடத்தில் வந்தபோது, அவன் அவரை நோக்கி: ஆண்டவரே, நீர் என் கால்களைக் கழுவலாமா என்றான். 7 இயேசு அவனுக்குப் பிரதியுத்தரமாக: நான் செய்கிறது இன்னதென்று இப்பொழுது நீ அறியாய், இனிமேல் அறிவாய் என்றார். 8 பேதுரு அவரை நோக்கி: நீர் ஒருக்காலும் என் கால்களைக் கழுவப்படாது என்றான். இயேசு அவனுக்குப் பிரதியுத்தரமாக: நான் உன்னைக் கழுவாவிட்டால் என்னிடத்தில் உனக்குப் பங்கில்லை என்றார். 9 அதற்குச் சீமோன் பேதுரு: ஆண்டவரே, என் கால்களைமாத்திரமல்ல, என் கைகளையும் என் தலையையும்கூட கழுவவேண்டும் என்றான். 10 இயேசு அவனை நோக்கி: முழுகினவன் தன் கால்களைமாத்திரம் கழுவவேண்டியதாயிருக்கும், மற்றப்படி அவன் முழுவதும் சுத்தமாயிருக்கிறான்; நீங்களும் சுத்தமாயிருக்கிறீர்கள்; ஆகிலும் எல்லாரும் அல்ல என்றார். 11 தம்மைக் காட்டிக்கொடுக்கிறவனை அவர் அறிந்திருந்தபடியினால் நீங்களெல்லாரும் சுத்தமுள்ளவர்கள் அல்ல என்றார்.
6 அவர் சீமோன் பேதுருவினிடத்தில் வந்தபோது, அவன் அவரை நோக்கி: ஆண்டவரே, நீர் என் கால்களைக் கழுவலாமா என்றான். 7 இயேசு அவனுக்குப் பிரதியுத்தரமாக: நான் செய்கிறது இன்னதென்று இப்பொழுது நீ அறியாய், இனிமேல் அறிவாய் என்றார். 8 பேதுரு அவரை நோக்கி: நீர் ஒருக்காலும் என் கால்களைக் கழுவப்படாது என்றான். இயேசு அவனுக்குப் பிரதியுத்தரமாக: நான் உன்னைக் கழுவாவிட்டால் என்னிடத்தில் உனக்குப் பங்கில்லை என்றார். 9 அதற்குச் சீமோன் பேதுரு: ஆண்டவரே, என் கால்களைமாத்திரமல்ல, என் கைகளையும் என் தலையையும்கூட கழுவவேண்டும் என்றான். 10 இயேசு அவனை நோக்கி: முழுகினவன் தன் கால்களைமாத்திரம் கழுவவேண்டியதாயிருக்கும், மற்றப்படி அவன் முழுவதும் சுத்தமாயிருக்கிறான்; நீங்களும் சுத்தமாயிருக்கிறீர்கள்; ஆகிலும் எல்லாரும் அல்ல என்றார். 11 தம்மைக் காட்டிக்கொடுக்கிறவனை அவர் அறிந்திருந்தபடியினால் நீங்களெல்லாரும் சுத்தமுள்ளவர்கள் அல்ல என்றார்.
தங்களுடைய போதகர் தங்கள் கால்களைக் கழுவியபோது இயேசுவின் சீடர்கள் சங்கடப்பட்டார்கள். “கர்த்தருடைய பந்திக்குப்” பிறகு அவர் என்ன செய்யப்போகிறார் என்பதை அவர்கள் அறிந்திருந்தால் அவர்கள் தாங்காளாகவே முன்வந்து ஒருவர் மற்றொருவருடைய பாதங்களைக் கழுவியிருப்பார்கள். அவர்களுடைய ஆண்டவர் அவர்களுக்கும் இறைவனுக்கும் இடையில் ஒரு புதிய உடன்படிக்கையை ஏற்படுத்தியதோடு நின்று விடாமல், அதன் உட்பொருளையும் அர்த்தத்தையும் வெளிப்படுத்திக் காண்பித்தார். அது அன்புள்ள சேவையேயன்றி வேறல்ல.
சீடர்களில் பேதுருதான் பெருமையும் அதிக வைராக்கியமும் உடையவர். அவர் இயேசுவின் சேவையைத் தடுத்தார். அவருடைய ஆண்டவரின் வார்த்தைகளைக் கேளாமல், அவரைத் தடுக்கப்பார்த்தார். அப்போது இயேசு கால் கழுவுவதன் இரகசியத்தை அவருடைய சீடர்களுக்கு அறிவித்தார். அது அவர் நம்மிடத்தில் பேசுவதைப் போல் உள்ளது. “உங்கள் கால்களை நான் கழுவாவிட்டால் இராஜ்யத்தில் உங்களுக்குப் பங்கில்லை. உங்கள் பாவங்கள் மன்னிக்கப்படாமல் நீங்கள் என்னில் நிலைத்திருக்க முடியாது.” அவருடைய இரத்தத்தினால் நாம் தொடர்ந்து கழுவப்பட வேண்டும். அந்த சுத்திகரிப்பில் நிலைத்திருத்தல் என்பது ஒரு தொடர்ச்சியான செயல்முறையாகும். அவரே உங்களைக் கிருபையினால் பாதகாத்து, இறைவனோடு தொடர்ந்து ஐக்கியப்படுத்துகிறவர்.
இதைக் கேட்டவுடன் இயேசுவைத் தடைசெய்த தன்னுடைய கரங்களை வேதனையுடன் பார்த்தார், இறைவனுடைய திட்டத்தைப் புரிந்துகொள்வதில் மந்தமாயுள்ள தன்னுடைய புத்தியையும் எண்ணி வருந்தினார். அவர் வெட்கமடைந்தவராய் தன்னை முழுவதுமாக சுத்திகரிக்கும்படி கேட்டுக் கொண்டார். “என்னிடத்தில் வருகிற எவரும் தங்களுடைய விசுவாசத்தினால் தூய்மையாகி முழுமையடைகிறார்கள்” என்று மறுபடியும் இயேசு உறுதிப்படுத்தினார். இதன் மூலமாக இயேசுவின் இரத்தம் நம்மை அனைத்துப் பாவங்களிலிருந்தும் சுத்திகரிப்பதால், அதற்குமேல் சிறப்பான சுத்திகரிப்போ, கூடுதல் பரிசுத்தமோ நமக்குத் தேவையில்லை என்பதை நாம் அறிந்துகொள்கிறோம். கர்த்தராகிய இயேசுவின் இரத்தத்தினால் உண்டாகும் பாவமன்னிப்பைவிட மேலான பரிசுத்தம் வேறு எதுவும் இல்லை. அனுதினம் நடக்கும்போது நம்மில் தூசிபடிவதைச் சுத்திகரிப்பதைப் போல நாம் தினமும் “எங்கள் பாவங்களை எங்களுக்கு மன்னியும்” என்று விண்ணப்பிக்கிறோம். இறைவனுடைய பிள்ளைகள் தங்கள் கால்களை மட்டும் கழுவினால் போதும். இந்த உலகத்தின் பிள்ளைகளுக்கோ முழுமையான சுத்திகரிப்பு அவசியம்.
இயேசு தன்னுடைய சீடர்களைப் பார்த்து “நீங்கள் சுத்தமாயிருக்கிறீர்கள்” என்று கூறினார். அவர்கள் இறைவனுடன் உடன்படிக்கை செய்யும்படி அவர்களை அழைக்கிறார். தெய்வீக ஐக்கியத்தில் அவர்கள் நிலைத்திருக்கும்படி ஆட்டுக்குட்டியாகிய அவர் அவர்களுக்காக மரித்திருக்கிறார். எந்த மனிதனும் தன்னில்தான் சுத்தமுள்ளவனல்ல, கிறிஸ்துவின் இரத்தமே நம்முடைய பாவங்கள் அனைத்தையும் நீக்கி நம்மைச் சுத்திகரிக்கும். இன்று போலவே அன்றும் அவரைப் பின்பற்றிய அனைவரும் சுத்தமுள்ளவர்களாயிருக்கவில்லை. சிலர் உதட்டளவில் இந்த சுத்திகரிப்பைப் பற்றி பேசினாலும், கிறிஸ்துவின் இரத்தத்தை விசுவாசிக்கிறவர்களைப் போல அவர்கள் நடந்துகொண்டாலும், அவர்களில் பரிசுத்த ஆவியானவர் இல்லை. வெறுப்பு, பொறாமை, பெருமை, விபச்சாரம் போன்ற பாவங்களை சாத்தானுடைய ஆவி இவர்களில் தூண்டிவிடுகிறது. ஆகவே பக்தியுள்ளவர்கள் நடுவில் ஈனமானவர்களையும் பொருளாசையுள்ளவர்களையும் நீங்கள் எப்போதும் காணலாம். நீங்கள் இறைவனோடு ஐக்கியப்படும்படியாக முழுவதுமாக அவர் உங்களைச் சுத்திகரித்து, அனுதினமும் உங்கள் பாதங்களைக் கழுவி, அனைத்துப் பாவங்களிலிருந்தும் உங்களை விடுவிக்கிறார். நீங்கள் வேலைக்காரனாக இருக்கிறீர்களா அல்லது எஜமானாக இருக்கிறீர்களா என்று உங்களை நீங்களே ஆராய்ந்து பாருங்கள்.
2. துரோகி வெளிப்படுத்தப்படுகிறான் (யோவான் 13:18-32)
யோவான் 13:18-19
18 உங்களெல்லாரையுங்குறித்து நான் பேசவில்லை, நான் தெரிந்துகொண்டவர்களை அறிவேன்; ஆகிலும் வேதவாக்கியம் நிறைவேறத்தக்கதாக, என்னுடனே அப்பம் புசிக்கிறவன் என்மேல் தன் குதிகாலைத் தூக்கினான். 19 அது நடக்கும்போது நானே அவரென்று நீங்கள் விசுவாசிக்கும்பொருட்டு, இப்பொழுது அது நடப்பதற்கு முன்னமே அதை உங்களுக்குச் சொல்லுகிறேன்.
18 உங்களெல்லாரையுங்குறித்து நான் பேசவில்லை, நான் தெரிந்துகொண்டவர்களை அறிவேன்; ஆகிலும் வேதவாக்கியம் நிறைவேறத்தக்கதாக, என்னுடனே அப்பம் புசிக்கிறவன் என்மேல் தன் குதிகாலைத் தூக்கினான். 19 அது நடக்கும்போது நானே அவரென்று நீங்கள் விசுவாசிக்கும்பொருட்டு, இப்பொழுது அது நடப்பதற்கு முன்னமே அதை உங்களுக்குச் சொல்லுகிறேன்.
யூதாஸ் அன்பும் தாழ்மையும் உள்ளவனாக, சேவை செய்கிறவனாக வாழாமல் துயரமுள்ளவனாக வாழ்ந்தான். அவன் தீவிரவாதத்தையும், வஞ்சகத்தையும், ஆக்கிரமிப்பையும் தெரிந்துகொண்டான். இயேசுவை வஞ்சகத்தினால் ஆண்டுகொள்ள அவன் விரும்பினான். இயேசு ஆட்சியைப் பிடிக்கும்படி அவரை நிர்ப்பந்திக்க அவன் நினைத்திருக்கலாம். ஆனால் அவன் தன் இருதயத்தில் இயேசுவுக்கு எதிரியாகவும் இயேசுவை மிதித்து, அவருடைய மரணத்தைத் திட்டமிடவும் விரும்பினான். அன்பிற்கும் பெருமைக்கும் இடையிலான விசுவாசத்தை அவன் உணரத் தவறினான். இயேசுவோ தன்னைத் தாழ்த்தினான். யூதாஸ் அகங்காரத்தையும், அகந்தையையும், தீமையையும் திட்டமிட்டான், இயேசுவோ தாழ்மையாகவும் மென்மையாகவும் இருப்பதைத் தெரிந்துகொண்டார்.
இயேசு தாம் காட்டிக்கொடுக்கப்படும் தருணத்திற்காக தம்முடைய சீடர்களை அவர் ஆயத்தப்படுத்தினார். அவர் புறவினத்து மக்களுடைய கையில் ஒப்புக்கொடுக்கப்பட்டாலும் அவர்கள் சந்தேகிக்கக்கூடாது என்பதற்காக அப்படிச் செய்தார். அவர் தன்னுடைய ஆள்த்துவத்தில் கர்த்தராயிருந்து, தனது பெலவீனமான நேரத்தை முன்கூட்டியே அறிந்து, தன்னை “நானே” என்று அழைத்தார். மோசேக்கு இறைவன் தன்னை வெளிப்படுத்தும்போது இந்தப் பெயரினாலேயே வெளிப்படுத்தினார். தம்முடைய சீடர்கள் அவிசுவாசத்திலும் சோதனையிலும் விழுந்துவிடாதபடி தமது தெய்வீகத்தன்மையைக் குறித்த இவ்வித கூற்றுகளினாலே அவர்களுடைய விசுவாசத்தை உறுதிப்படுத்தினார்.
யோவான் 13:20
20 நான் அனுப்புகிறவனை ஏற்றுக்கொள்ளுகிறவன் என்னை ஏற்றுக்கொள்ளுகிறான், என்னை ஏற்றுக்கொள்ளுகிறவன் என்னை அனுப்பினவரை ஏற்றுக்கொள்ளுகிறான் என்று, மெய்யாகவே மெய்யாகவே உங்களுக்குச் சொல்லுகிறேன் என்றார்.
20 நான் அனுப்புகிறவனை ஏற்றுக்கொள்ளுகிறவன் என்னை ஏற்றுக்கொள்ளுகிறான், என்னை ஏற்றுக்கொள்ளுகிறவன் என்னை அனுப்பினவரை ஏற்றுக்கொள்ளுகிறான் என்று, மெய்யாகவே மெய்யாகவே உங்களுக்குச் சொல்லுகிறேன் என்றார்.
இயேசு தம்முடைய கைது மற்றும் மரணத்தைக் குறித்த சீடர்களின் பயத்திலிருந்து அவர்களை விடுவித்தார். அவருடைய கட்டளையும் அவருடைய பாதுகாப்பும் அவர்களைக் காத்துக்கொள்ளும். இயேசு தம்முடையவர்களை அனுப்பிவிட்டு அவரும் அவர்களுடன் செல்கிறார். அவருடைய வேலைக்காரர்கள் தங்களுடைய சொந்தப் பெயரில் செல்லாமல் உயர்த்தப்பட்ட தங்கள் கர்த்தருடைய பெயரில் செல்கிறார்கள். அவர்களை ஏற்றுக்கொள்கிறவர்கள் பரிசுத்த திரித்துவத்தை ஏற்றுக்கொள்கிறார்கள். அவர்களுடைய வார்த்தைகளை விசுவாசிக்கிறவர்கள் இறைவனுடைய பிள்ளைகளாகிறார்கள். இந்தத் திருப்பணி கடினமான ஒன்றுதான்: அது சுய வெறுப்பிற்கான அழைப்பு; எதிரிகளை நேசிக்கவும், ஏழ்மையின் நடுவிலும் மற்றவர்களின் எதிர்ப்பின் நடுவிலும் இறைவனுடைய அன்பில் நிலைத்திருப்பதற்கான அழைப்பு. இவையனைத்தின் நடுவிலும் இறைவன் தங்களில் வாழ்கிறான் என்பதை அவர்கள் அறிந்திருக்கிறார்கள். அவர் செல்லும் இடத்திற்கெல்லாம் அவர்கள் செல்லுகிறார்கள். அவருடைய பணியை முடிப்பதற்காக அவர் விரும்பும் இடத்திற்கெல்லாம் அவர்கள் சென்று பரிசுத்த ஆவியானவரின் தூண்டுதல்களை நிறைவேற்றுகிறார்கள்.
யோவான் 13:21-22
21 இயேசு இவைகளைச் சொன்னபின்பு. ஆவியிலே கலங்கி: உங்களில் ஒருவன் என்னைக் காட்டிக்கொடுப்பான் என்று, மெய்யாகவே மெய்யாகவே உங்களுக்குச் சொல்லுகிறேனென்று சாட்சியாகச் சொன்னார். 22 அப்பொழுது யாரைக்குறித்துப் பேசுகிறாரோ என்று சீஷர்கள் ஐயப்பட்டு, ஒருவரையொருவர் நோக்கிப்பார்த்தார்கள்.
21 இயேசு இவைகளைச் சொன்னபின்பு. ஆவியிலே கலங்கி: உங்களில் ஒருவன் என்னைக் காட்டிக்கொடுப்பான் என்று, மெய்யாகவே மெய்யாகவே உங்களுக்குச் சொல்லுகிறேனென்று சாட்சியாகச் சொன்னார். 22 அப்பொழுது யாரைக்குறித்துப் பேசுகிறாரோ என்று சீஷர்கள் ஐயப்பட்டு, ஒருவரையொருவர் நோக்கிப்பார்த்தார்கள்.
இயேசு பரஸ்பர அன்பு மற்றும் சேவையைப் பற்றி தம்முடைய சீஷர்களுக்குப் போதித்தார். தாழ்மை மற்றும் சாந்தத்தின் மாதிரியாக அவர் அவர்களுக்கு முன்பாக நின்றார். அவருடைய மரண நேரத்தில்கூட அனைத்து நிகழ்வுகளையும் கட்டுப்படுத்துபவர் என்பதை அவர்கள் அறியும்படி தம்முடைய பெலவீன நேரத்திலும் சர்வாதிகாரம் தெளிவாக விளங்கும் என்று அவர்களுக்கு முன்னுரைத்தார். இந்த விளக்கத்தின் ஒரு பகுதியாகவே யூதாஸின் தீமையான இரகசிய திட்டத்தையும் வெளிப்படுத்தினார். இதன் மூலமாக அவனுடைய செயல்பாடு அவனுடைய சொந்த திட்டத்தினால் அல்ல இறைவனுடைய திட்டத்திற்கு உட்பட்டே செயல்படுகிறது என்பதை அவனும் அறிந்துகொண்டான்.
இயேசு தம்முடைய சீஷர்களின் ஒருவன் தம்மை யூத சங்கத்திடம் காட்டிக்கொடுக்கத் திட்டமிட்டுள்ளான் என்பதை வெளிப்படுத்தினார். ஒரு மகிழ்ச்சியான திருவிழாவின் நடுவில் இயேசு இந்த அறிவித்தலைக் கூறினார். இயேசு இதைச் சாதாரணமான ஒரு உண்மையாகத் தெரிவிக்காமல், லாசருவினுடைய கல்லறையினருகிலேயே தம்முடைய ஆவியில் கலக்கமுற்ற காரணத்தினால் இப்படிக் கூறுகிறார். தம்முடைய பிதா தம்மைக் கைவிட்டுவிடுவார் என்பது குறிப்பாக அவருக்குக் கலக்கத்தை உண்டுபண்ணியது. இயேசு யூதாûஸ நேசித்துத் தெரிந்துகொண்டிருந்தார். தெரிந்துகொள்ளப்பட்ட நண்பன் ஒருவன் தம்மைக் காட்டிக்கொடுப்பான் என்பது மிகவும் கடினமாயிருந்தது. இதைப்பற்றி வேதாகமம் சங்கீதம் 41:9-ல் ஏற்கனவே பேசியிருக்கிறது : “என் பிராண சிநேகிதனும், நான் நம்பினவனும், என் அப்பம் புசித்தவனுமாகிய மனுஷனும், என்மேல் தன் குதிகாலைத் தூக்கினான்.” இதைக் கேட்டு சீடர்கள் தங்களுக்குள் ஒவ்வொருவனையும் பார்த்து “இவன்தான் அந்தத் துரோகியா?” என்று கேட்கத் தொடங்கினார்கள். தங்களில் யாரும் இயேசுவைக் காட்டிக்கொடுப்பான் என்பதை அவர்களால் நம்பமுடியாதிருந்தது. ஆனால் அவருக்கு நிந்தையும் புறக்கணிப்பும் ஆரம்பித்தபோது, எவ்வளவு சீக்கிரமாக அவரைவிட்டு விலகிப்போக முடியுமோ அவ்வளவு சீக்கிரமாக விலகிப்போனார்கள். தங்களுடைய உண்மை நிலை வெளிப்படுத்தப்பட்டதைப் பார்த்து, வெட்கமைந்து, இயேசுவின் உள்ளங்களை ஆராயும் வெளிச்சத்தைச் சந்திக்கக்கூடாதவர்களாயிருந்தார்கள்.
யோவான் 13:23-30
23 அந்தச் சமயத்தில் அவருடைய சீஷரில் இயேசுவுக்கு அன்பானவனாயிருந்த ஒருவன் இயேசுவின் மார்பிலே சாய்ந்துகொண்டிருந்தான். 24 யாரைக்குறித்துச் சொல்லுகிறாரென்று விசாரிக்கும்படி சீமோன் பேதுரு அவனுக்குச் சைகைகாட்டினான். 25 அப்பொழுது அவன் இயேசுவின் மார்பிலே சாய்ந்துகொண்டு: ஆண்டவரே, அவன் யார் என்றான். 26 இயேசு பிரதியுத்தரமாக: நான் இந்தத் துணிக்கையைத் தோய்த்து எவனுக்குக் கொடுப்பேனோ, அவன்தான் என்று சொல்லி, துணிக்கையைத் தோய்த்து, சீமோன் குமாரனாகிய யூதாஸ்காரியோத்துக்குக் கொடுத்தார். 27 அந்தத் துணிக்கையை அவன் வாங்கினபின்பு, சாத்தான் அவனுக்குள் புகுந்தான். அப்பொழுது இயேசு அவனை நோக்கி: நீ செய்கிறதைச் சீக்கிரமாய்ச் செய் என்றார். 28 அவர் இப்படி அவனுடனே சொன்னதின் கருத்தைப் பந்தியிருந்தவர்களில் ஒருவனும் அறியவில்லை. 29 யூதாஸ் பணப்பையை வைத்துக்கொண்டிருந்தபடியினால், அவன் போய், பண்டிகைக்குத் தேவையானவைகளைக் கொள்ளும்படிக்காவது, தரித்திரருக்கு ஏதாகிலும் கொடுக்கும்படிக்காவது, இயேசு அவனுடனே சொல்லியிருப்பார் என்று சிலர் நினைத்தார்கள். 30 அவன் அந்தத் துணிக்கையை வாங்கினவுடனே புறப்பட்டுப்போனான்; அப்பொழுது இராக்காலமாயிருந்தது.
23 அந்தச் சமயத்தில் அவருடைய சீஷரில் இயேசுவுக்கு அன்பானவனாயிருந்த ஒருவன் இயேசுவின் மார்பிலே சாய்ந்துகொண்டிருந்தான். 24 யாரைக்குறித்துச் சொல்லுகிறாரென்று விசாரிக்கும்படி சீமோன் பேதுரு அவனுக்குச் சைகைகாட்டினான். 25 அப்பொழுது அவன் இயேசுவின் மார்பிலே சாய்ந்துகொண்டு: ஆண்டவரே, அவன் யார் என்றான். 26 இயேசு பிரதியுத்தரமாக: நான் இந்தத் துணிக்கையைத் தோய்த்து எவனுக்குக் கொடுப்பேனோ, அவன்தான் என்று சொல்லி, துணிக்கையைத் தோய்த்து, சீமோன் குமாரனாகிய யூதாஸ்காரியோத்துக்குக் கொடுத்தார். 27 அந்தத் துணிக்கையை அவன் வாங்கினபின்பு, சாத்தான் அவனுக்குள் புகுந்தான். அப்பொழுது இயேசு அவனை நோக்கி: நீ செய்கிறதைச் சீக்கிரமாய்ச் செய் என்றார். 28 அவர் இப்படி அவனுடனே சொன்னதின் கருத்தைப் பந்தியிருந்தவர்களில் ஒருவனும் அறியவில்லை. 29 யூதாஸ் பணப்பையை வைத்துக்கொண்டிருந்தபடியினால், அவன் போய், பண்டிகைக்குத் தேவையானவைகளைக் கொள்ளும்படிக்காவது, தரித்திரருக்கு ஏதாகிலும் கொடுக்கும்படிக்காவது, இயேசு அவனுடனே சொல்லியிருப்பார் என்று சிலர் நினைத்தார்கள். 30 அவன் அந்தத் துணிக்கையை வாங்கினவுடனே புறப்பட்டுப்போனான்; அப்பொழுது இராக்காலமாயிருந்தது.
இயேசுவைக் காட்டிக்கொடுத்தலைப் பற்றி பேசப்படும் இந்தச் சூழ்நிலையிலும் அருமையான அன்பின் காட்சியைப் பற்றி வாசிக்கிறோம். யோவான் இயேசுவின் மார்பில் சாய்ந்து ஓய்வெடுத்துக்கொண்டிருக்கிறார். யோவான் தன்னுடைய பெயரை இந்த நற்செய்தி நூலில் ஒருமுறைகூட எழுதவில்லை. ஆனால் அன்பின் அடையாளமாக அவர் இயேசுவுடன் தனக்கிருக்கும் நெருக்கத்தை முக்கியமாகக் குறிப்பிடுகிறார். அவர் இயேசுவினால் அன்பு செய்யப்படுவதைவிட மேலான ஆசீர்வாதம் அவருக்கு வேறு எதுவுமில்லை. இந்தவகையில் யோவான் தன்னுடைய சொந்தப் பெயரை மறைத்து இறைமகனுடைய பெயரை மகிகைப்படுத்துகிறார்.
துரோகி யார் என்பதை நேரடியாகக் கேட்க பேதுரு தயங்கினாலும் அவரால் அடக்கிக்கொள்ள முடியவில்லை. காட்டிக்கொடுப்பவன் யார் என்பதைக் கேட்கும்படி யோவானிடம் சைகை காட்டினார். யோவான் இயேசுவிடம் குனிந்து, “காட்டிக்கொடுப்பவன் யார்?” என்று கேட்டார்.
இயேசு அந்தக் கேள்விக்கு அமைதியான முறையில் பதிலுரைத்தார். காட்டிக்கொடுப்பவனுடைய பெயரைச் சொல்லாமல் ஒரு செய்கையின் மூலமாக அதை வெளிப்படுத்தினார். இந்த நிலையில் இயேசு காட்டிக்கொடுப்பவனின் பெயரை வெளிப்படையாகக் கூற விரும்பவில்லை. யூதாஸ் தன்னுடைய மனதை மாற்றிக்கொள்ளும் வாய்ப்பிருந்தது. இயேசு அப்பத்தைப் பிட்டு அதைப் பாத்திரத்தில் தோய்த்து யூதாஸிடம் கொடுத்ததன் மூலம் அவனுக்கு அவர்களுடன் இருக்கும் ஐக்கியமாகிய கிருபை நீக்கப்பட்டது. இந்தச் செயலின் நோக்கம் ஒரு சீடனை நித்திய வாழ்விற்கு நேராக உறுதிப்படுத்துவதே. யூதாஸ் இயேசுவைக் காட்டிக்கொடுக்க வேண்டும் என்று முடிவுசெய்துவிட்டபடியால் அவனுக்குக் கொடுக்கப்பட்ட அந்த அப்பத்துண்டு அவனைக் கடினப்படுத்தியது. கிருபை நுழையாதபடி அவனுடைய இருதயம் மூடிக்கொண்டது. சாத்தான் அவனுடைய இருதயத்திற்குள் நுழைந்தான். எவ்வளவு பயங்கரமான எதிர்காலம்? இயேசு தன்னுடைய சர்வாதிகாரத்தினால் கடின மனதுள்ளவனைக் கடினப்படுத்தினான். இயேசு அவனுக்கு அப்பத்துண்டைக் கொடுத்தபோது சாத்தான் அவனுடைய சிந்தனைகளை ஆட்கொண்டான். அவன் அப்பத்துண்டைப் பெற்றுக்கொண்டபிறகு அவன் மீது தீமை இறங்கியது. இயேசுவின் நியாயத்தீர்ப்பின் காரணமாக அவனைச் சுற்றியிருந்த தெய்வீக பாதுகாப்பு அகற்றப்பட்டது. அவன் சாத்தானுடைய கையில் ஒப்புக்கொடுக்கப்பட்டான்.
திடீரென்று அந்த அப்பத்துண்டை வாங்கும்போது அவன் வெளிப்படுத்தப்பட்டதைக் கண்டுகொண்டான். இயேசுவின் கட்டளை அவனுக்குக் கொடுக்கப்பட்டது. “உன்னுடைய தீய எண்ணங்களை நீ நடைமுறைப்படுத்து. தீமை தன்னுடைய காரியத்தை நிறைவேற்றும்படி காரியங்களை சீக்கிரமாய் செய். அதிலிருந்து நன்மை தோன்றும்.”
இயேசு யூதாஸ் ஏன் சீக்கிரமாக அனுப்பினார் என்பதை சீஷர்கள் அறிந்துகொள்ளவில்லை. வழக்கமாக யூதாûஸ அனைவருக்கும் உணவு வாங்க அனுப்புவதுண்டு. இயேசுவின் வெளிச்சத்தைவிட்டு இருளை நோக்கிச் சென்றபோது காணப்பட்ட யூதாஸின் பயங்கர தோற்றத்தை யோவானால் மறக்க முடியவில்லை.
யோவான் 13:31-32
31 அவன் புறப்பட்டுப்போனபின்பு இயேசு: இப்பொழுது மனுஷகுமாரன் மகிமைப்படுகிறார், தேவனும் அவரில் மகிமைப்படுகிறார். 32 தேவன் அவரில் மகிமைப்பட்டிருந்தால், தேவன் அவரைத் தம்மில் மகிமைப்படுத்துவார், சீக்கிரமாய் அவரை மகிமைப்படுத்துவார்.
31 அவன் புறப்பட்டுப்போனபின்பு இயேசு: இப்பொழுது மனுஷகுமாரன் மகிமைப்படுகிறார், தேவனும் அவரில் மகிமைப்படுகிறார். 32 தேவன் அவரில் மகிமைப்பட்டிருந்தால், தேவன் அவரைத் தம்மில் மகிமைப்படுத்துவார், சீக்கிரமாய் அவரை மகிமைப்படுத்துவார்.
இந்தத் துரோகச் செயலில் இயேசு எவ்வாறு மகிமைப்படுத்தியது? தீய செயல்களிலிருந்து எப்படி நன்மை பிறக்கமுடியும்?
இயேசுவால் தெரிந்துகொள்ளப்பட்ட அவருடைய சீடன் அவரைக் கைவிட்டுவிட்டதால் அவர் துக்கப்பட்டார். அவரைக் காட்டிக்கொடுப்பவன் திரும்பிவிடாதபடி இயேசு தன்னுடைய அன்பின் பார்வையைக் கட்டுப்படுத்தினார். ஆனால் அவன் இயேசுவை இரவில் கைதுசெய்யும்படி ஆயுதம் தரித்த போர்ச் சேவகர்களுடன் ஆயத்தமாயிருந்த யூத ஆலோசனைச் சங்கத்திற்கு நேராகச் சென்றான்.
இயேசு தம்மைக் காட்டிக்கொடுக்கும்படி யூதாûஸ அனுப்பிவிட்டபோது அரசியல் மேசியாவாக வேண்டும் என்ற பேய்த்தனமான சோதனையை எதிர்த்து மேற்கொண்டார். அவர் தாழ்மையினாலும் சாந்தத்தினாலும் மனுக்குலத்தை மீட்கும்படி ஆட்டுக்குட்டியாக மரிப்பதற்கு ஆயத்தமாயிருந்தார். அதன்மூலம் தியாகமான மரணமே அவருடைய மகிமையின் சாரம் என்று அறிவித்தார்.
இயேசு தம்முடைய மகிமையைத் தேடாமல் தமது மரணத்தின் மூலமாகப் பிதாவின் மகிமையைத் தேடினார். இழந்துபோனவர்களை இரட்சிப்பதற்காக அவருடைய பிதா அவரை உலகத்திற்கு அனுப்பினார். விழுந்துபோன மனுக்குலத்தில் பிதாவின் சாயலைப் புதுப்பிக்க குமாரன் விரும்பினார். இந்தப் புதுப்பித்தலுக்காக இயேசு பிதாவை வெளிப்படுத்தி, இறைவனுடைய நன்மையை அவர்கள் விசுவாசிக்கும்படி அவர்களை ஊக்கப்படுத்தினார். மக்களுக்குப் பயிற்சி அளிப்பதன் மூலமாக மட்டுமே மாற்றத்தை உண்டுபண்ண முடியாது. ஏனெனில் பாவம் இறைவனுக்கும் அவரது படைப்புகளுக்கும் இடையில் ஒரு பிரிவினையை உண்டுபண்ணியிருக்கிறது. இறைவனையும் நம்மையும் பிரிக்கும் தடை நீக்கப்படுவதற்கும், நீதியின் கோரிக்கைகள் நிறைவேற்றப்படுவதற்கும் குமாரன் மரிக்க வேண்டும். பிதாவின் நாமத்தை மகிமைப்படுத்துவதற்கு குமாரனுடைய மரணமே முக்கியமானது. அந்த மரணமில்லாமல் யாரும் பிதாவை அறிந்துகொள்ள முடியாது, யாரும் அவருடைய பிள்ளைகள் ஆக முடியாது, யாரும் புதுப்பிக்கப்பட முடியாது.
தம்முடைய மரணத்தின் மூலமாக பிதாவுக்கு மகிமையைக் கொண்டுவரும்படி, இயேசு தம்மையே வெறுத்தார். அதன் மூலம் தான் அனைவருக்கும் வரங்களைக் கொடுக்கும்படி தனக்கு பிதா அனைத்து மகிமையையும் தருவார் என்றும் அறிவித்தார். அவர் கைது செய்யப்படுவதற்கும் சிலுவையில் அறையப்படுவதற்கும் முன்பாக தன்னுடைய உயிர்த்தெழுதலையும் பரமேறுதலையும் இயேசு கண்டார். கிறிஸ்து மகிமையில் நுழைவதற்காக மரிக்க வேண்டியிருந்தது.
இயேசுவின் பாடுகளையும் மரணத்தையும் புறக்கணிப்பவர்கள் அனைவரும் அல்லது அவை அவருடைய பெலவீனத்தின் அடையாளம் என்று கருதுபவர்கள் அனைவரும் சிலுவையில் நிறைவேறிய இறைவனுடைய சித்தத்தையும், கல்லறையைத் திறந்த குமாரனுடைய பரிசுத்தத்தையும் உணரத் தவறுகிறார்கள். அவரை விசுவாசிக்கிறவர்கள் அனைவரும் நீதிமான்களாக்கப்படும்படியாக அவர்களுக்காக அவர் தன்னை சிலுவையில் பலியாக ஒப்புக்கொடுத்தபோது அவர் தம்முடைய மகிமையைக் காண்பித்தார்.
3. திருச்சபைக்குக் கொடுக்கப்படும் புதிய கட்டளை (யோவான் 13:33-35)
யோவான் 13:33
33 பிள்ளைகளே, இன்னும் கொஞ்சக்காலம் நான் உங்களுடனேகூட இருப்பேன்; நீங்கள் என்னைத் தேடுவீர்கள்; ஆனாலும் நான் போகிற இடத்துக்கு நீங்கள் வரக்கூடாதென்று நான் யூதரோடே சொன்னதுபோல இப்பொழுது உங்களோடும் சொல்லுகிறேன்.
33 பிள்ளைகளே, இன்னும் கொஞ்சக்காலம் நான் உங்களுடனேகூட இருப்பேன்; நீங்கள் என்னைத் தேடுவீர்கள்; ஆனாலும் நான் போகிற இடத்துக்கு நீங்கள் வரக்கூடாதென்று நான் யூதரோடே சொன்னதுபோல இப்பொழுது உங்களோடும் சொல்லுகிறேன்.
பிதா ஆவியில் மகிமைப்பட்ட பிறகு, இயேசு நம்முடைய விசுவாசத்தின் அம்சங்களையும் அடிப்படைகளையும் எடுத்துக்கூறுகிறார். அவர் இப்போது நம்முடன் சரீரத்தில் மட்டும் இல்லை, பரலோகத்திலும் இருக்கிறார். இந்த உலகத்தில் உயிர்த்தெழுந்த இயேசு முக்கியமானவராக நம்நடுவில் இருக்கிறார். உயிரோடிருக்கும் அவரை அறியாத அல்லது விசுவாசியாத எவரும் குருடராகவும் வழி தவறியவராகவும் இருக்கிறார்கள். அவரைக் காண்பவர்கள் ஜீவனையும் நித்தய வாழ்வையும் பெற்றுக்கொள்கிறார்கள்.
தம்மைச் சீடர்கள் பின்பற்றி வர முடியாத இடத்திற்குத் தான் போகப்போவதாக அவர் அவர்களிடம் சொன்னார். அவர் தாம் நியாயம் விசாரிக்கப்படப்போவதையோ, கல்லறையையோ குறிப்பிடாமல், தம்முடைய பரமேறுதலைக் குறிப்பிட்டார். “நான் உம்முடைய எதிரிகளை உம்முடைய பாதபடியாக்கிப் போடும்வரைக்கும் நீர் என்னுடைய வலதுபாரிசத்தில் உட்காரும்” என்று பிதா அவரிடம் சொல்லியிருக்கிறார். இயேசு தம்மைப் பின்பற்றியவர்கள் நடுவிலிருந்து திடீரென மறைந்து போகாமல், முன்கூட்டியே தன்னுடைய மரணத்தையும், உயிர்ததெழுதலையும் யாரும் தங்கள் முயற்சியினால் செல்ல முடியாத பரலோகத்திற்கு அவர் ஏறிச் செல்வதையும் அறிவித்தார். இதை அவர் யூதர்களிடம் சொன்னபோது அவர்கள் அதைப் புரிந்துகொள்ளவில்லை. அவர் காட்டிக்கொடுக்கப்படும் தருணத்தில் அவருடைய சீடர்களாவது இதைப் புரிந்துகொள்வார்களா? அவர்கள் எதிர்காலத்தில் துக்கத்திலும் சோகத்திலும் ஆழ்ந்துபோய்விடாதபடி பிதாவையும் குமாரனையும் ஆராதிக்கும் ஆராதனையில் அவர்களை அவர் ஈடுபடுத்தினார். அவர் அவர்களைக் கைவிட மாட்டார் என்று அவருடைய உண்மையை அவர்கள் நம்புவார்களா? அவர்களுடைய பொதுவான நோக்கம் தோல்வியுறாது என்று அவர்கள் விசுவாசிப்பார்களா?
யோவான் 13:34-35
34 நீங்கள் ஒருவரிலொருவர் அன்பாயிருங்கள்; நான் உங்களில் அன்பாயிருந்ததுபோல நீங்களும் ஒருவரிலொருவர் அன்பாயிருங்கள் என்கிற புதிதான கட்டளையை உங்களுக்குக் கொடுக்கிறேன். 35 நீங்கள் ஒருவரிலொருவர் அன்புள்ளவர்களாயிருந்தால், அதினால் நீங்கள் என்னுடைய சீஷர்களென்று எல்லாரும் அறிந்துகொள்வார்கள் என்றார்.
34 நீங்கள் ஒருவரிலொருவர் அன்பாயிருங்கள்; நான் உங்களில் அன்பாயிருந்ததுபோல நீங்களும் ஒருவரிலொருவர் அன்பாயிருங்கள் என்கிற புதிதான கட்டளையை உங்களுக்குக் கொடுக்கிறேன். 35 நீங்கள் ஒருவரிலொருவர் அன்புள்ளவர்களாயிருந்தால், அதினால் நீங்கள் என்னுடைய சீஷர்களென்று எல்லாரும் அறிந்துகொள்வார்கள் என்றார்.
பரிசுத்த ஆவியானவர் தன் சீஷர்கள் மீது ஊற்றப்படாத காரணத்தினால் அவர்கள் முழுவதுமாகத் தன்னைப் புரிந்துகொள்ள மாட்டார்கள் என்று இயேசுவுக்குத் தெரியும். அவர்கள் பற்றிக்கொள்ள இயலாத குருடராயிருந்தார்கள். அன்பு செய்வதற்கான தூண்டுதலும் அவர்களிடத்தில் இல்லை. “இறைவன் அன்பாக இருக்கிறார். அன்பில் நிலைத்திருக்கிறவன் இறைவனில் நிலைத்திருக்கிறான். இறைவனும் அவரில் நிலைத்திருக்கிறார்.” பரிசுத்த திருத்துவம் அன்பாகவே இருக்கிறது. பரிசுத்த திரித்துவத்திலுள்ள நபர்களிடையில் அன்பே ஐக்கியத்தை ஏற்படுத்துகிறது. இந்த அன்பு மனுக்குலத்தில் உருவாக வேண்டும் என்று இயேசு விரும்புகிறார். பரிசுத்தத்தின் தோற்றுவாய் அவருடைய சிடர்களில் மெய்யாக வேண்டும் என்ற அவர் வாஞ்சிக்கிறார்.
ஆகவே இயேசு திருச்சபை அங்கத்தவர்கள் ஒருவரையொருவர் நேசிக்க வேண்டும் என்று கற்பிக்கிறார். பழைய ஏற்பாட்டில் கொடுக்கப்பட்டதுபோல பத்து தடையுத்தரவுகளை அவர் கொடுக்கவில்லை. மாறாக அனைத்து தெய்வீக கட்டளைகளையும் உள்ளடக்கும் ஒரே கட்டளையை அவர் கொடுத்தார். மோசே எதிர்மறையான விதிமுறைகளைக் கொடுத்தார். இயேசுவோ தம்முடைய உதாரணத்தினால் நேரடியான காரியங்களைப் போதித்தார். திருச்சபை வாழ்க்கையின் அடிப்படையே அன்புதான். அன்பைக் காண்பிக்காத திருச்சபை திருச்சபையாக இருக்காது.
கிறிஸ்துவின் ஆள்த்துவத்தின் அடிப்படையும் அன்புதான். வழிதவறிப்போன ஆடுகள் மீது அவர் இரக்கம் காண்பிக்கிறார். அவர் தம்முடைய சீடர்களுடன் பொறுமையாகவும் மென்மையாகவும் நடந்துகொள்கிறார். அன்பையே தன்னுடைய அரசின் முக்கிய கோட்பாடாக்கியிருக்கிறார். அன்பு செய்கிறவன் அவருடைய கிருபையில் நிலைத்திருக்கிறான், வெறுப்பைக் காண்பிப்பவன் சாத்தானுக்கு உரியவனாயிருக்கிறான். அன்பு இரக்கமுள்ளது, அது இறுமாப்பாயிராது. அப்போஸ்தலர் தங்கள் கடிதங்களில் அடிக்கடி வலியுறுத்துவதைப் போல அன்பு பொறுமையுள்ளது; எதிரிகளுக்குக் கூட நன்மை செய்யக்கூடியது. அது பூரண சற்குணத்தின் கட்டு.
அன்பினிமித்தமான தியாகத்தைத் தவிர வேறு அடையாளம் திருச்சபைக்கு இல்லை. நாம் நம்மை சேவைசெய்யும்படி பயிற்றுவித்தால் அவருடைய சீடராகலாம். இயேசுவினால் வழிநடத்தப்பட்டு நடைமுறையில் அன்பின் பொருள நாம் புரிந்துகொள்ளலாம். நாம் மன்னிப்பில் நிலைத்திருந்து மற்றவர்களையும் மகிழ்ச்சியாக மன்னிக்கலாம். திருச்சபையிலுள்ள ஒருவரும் தான் பெரியவராக வேண்டும் என்று முயற்சி செய்யாமலும், கிறிஸ்துவின் ஆவி அவர்களை இணைத்திருப்பதற்காக மகிழ்கொண்டாடுகிறவர்களாகவும் இருந்தால் அதுவே பூமியில் காணப்படும் பரலோகம் ஆகும். பரிசுத்த ஆவியானவரினால் நிறைந்த அப்படிப்பட்ட திருச்சபைகளை கர்த்தராகிய இயேசு நாட்டுகிறார்.
4. பேதுருவின் மறுதலிப்பை கிறிஸ்து முன்னறிவிக்கிறார் (யோவான் 13:36-38)
யோவான் 13:36-38
36 சீமோன்பேதுரு அவரை நோக்கி: ஆண்டவரே, நீர் எங்கே போகிறீர் என்றான். இயேசு அவனுக்குப் பிரதியுத்தரமாக: நான் போகிற இடத்துக்கு இப்பொழுது நீ என் பின்னே வரக்கூடாது, பிற்பாடு என் பின்னே வருவாய் என்றார். 37 பேதுரு அவரை நோக்கி: ஆண்டவரே, நான் இப்பொழுது உமக்குப்பின்னே ஏன் வரக்கூடாது? உமக்காக என் ஜீவனையும் கொடுப்பேன் என்றான். 38 இயேசு அவனுக்குப் பிரதியுத்தரமாக: எனக்காக உன் ஜீவனைக் கொடுப்பாயோ? சேவல் கூவுகிறதற்கு முன்னே நீ என்னை மூன்றுதரம் மறுதலிப்பாயென்று, மெய்யாகவே மெய்யாகவே உனக்குச் சொல்லுகிறேன் என்றார்.
36 சீமோன்பேதுரு அவரை நோக்கி: ஆண்டவரே, நீர் எங்கே போகிறீர் என்றான். இயேசு அவனுக்குப் பிரதியுத்தரமாக: நான் போகிற இடத்துக்கு இப்பொழுது நீ என் பின்னே வரக்கூடாது, பிற்பாடு என் பின்னே வருவாய் என்றார். 37 பேதுரு அவரை நோக்கி: ஆண்டவரே, நான் இப்பொழுது உமக்குப்பின்னே ஏன் வரக்கூடாது? உமக்காக என் ஜீவனையும் கொடுப்பேன் என்றான். 38 இயேசு அவனுக்குப் பிரதியுத்தரமாக: எனக்காக உன் ஜீவனைக் கொடுப்பாயோ? சேவல் கூவுகிறதற்கு முன்னே நீ என்னை மூன்றுதரம் மறுதலிப்பாயென்று, மெய்யாகவே மெய்யாகவே உனக்குச் சொல்லுகிறேன் என்றார்.
பேதுரு தன் மனதில் குழப்பமடைந்தவனாக இயேசு அன்பைப் பற்றி பேசிய காரியங்களைத் கேட்கத் தவறினார். அவருடைய மனதில் ஓடிக்கொண்டிருந்ததெல்லாம் ஆபத்து தங்களைச் சூழ்ந்து வரும்போது தங்கள் ஆண்டவர் காட்டிக்கொடுக்கப்பட்டு தங்களைவிட்டுப் போகப்போகிறார் என்பதே. பேதுரு தன்னுடைய உண்மை, தீர்மானம் ஆகியவற்றைச் சார்ந்திருந்தார். தான் எந்த சூழ்நிலையிலும் இயேசுவைப் பின்பற்றி வருவேன் என்று அவர் இயேசுவிடம் உறுதியளித்தார். தன்னுடைய பெருமையான பேச்சுக்களை தான் நிறைவேற்றக்கூடும் என்று கருதியதால் தன்னுடைய பெலவீனங்களையும் இயலாமைகளையும் அவர் உணரவில்லை. அவர் இயேசுவின் மீதுள்ள வைராக்கியத்தால் பற்றி எரிந்தார். அவருக்காக போராடவும் சாகவும் ஆயத்தமாயிருந்தார்.
இ - மேலறையில் பிரிவுபசாரப் பிரசங்கம் (யோவான் 14:1-31)
1. கிறிஸ்துவில் இறைவன் இருக்கிறார் (யோவான் 14:1-11)
யோவான் 14:1-3
1 உங்கள் இருதயம் கலங்காதிருப்பதாக; தேவனிடத்தில் விசுவாசமாயிருங்கள், என்னிடத்திலும் விசுவாசமாயிருங்கள். 2 என் பிதாவின் வீட்டில் அநேக வாசஸ்தலங்கள் உண்டு; அப்படியில்லாதிருந்தால், நான் உங்களுக்குச் சொல்லியிருப்பேன்; ஒரு ஸ்தலத்தை உங்களுக்காக ஆயத்தம்பண்ணப்போகிறேன். 3 நான் போய் உங்களுக்காக ஸ்தலத்தை ஆயத்தம்பண்ணினபின்பு, நான் இருக்கிற இடத்திலே நீங்களும் இருக்கும்படி, நான் மறுபடியும் வந்து உங்களை என்னிடத்தில் சேர்த்துக்கொள்ளுவேன்.
1 உங்கள் இருதயம் கலங்காதிருப்பதாக; தேவனிடத்தில் விசுவாசமாயிருங்கள், என்னிடத்திலும் விசுவாசமாயிருங்கள். 2 என் பிதாவின் வீட்டில் அநேக வாசஸ்தலங்கள் உண்டு; அப்படியில்லாதிருந்தால், நான் உங்களுக்குச் சொல்லியிருப்பேன்; ஒரு ஸ்தலத்தை உங்களுக்காக ஆயத்தம்பண்ணப்போகிறேன். 3 நான் போய் உங்களுக்காக ஸ்தலத்தை ஆயத்தம்பண்ணினபின்பு, நான் இருக்கிற இடத்திலே நீங்களும் இருக்கும்படி, நான் மறுபடியும் வந்து உங்களை என்னிடத்தில் சேர்த்துக்கொள்ளுவேன்.
இயேசு அவர்களை விட்டுப் போகிறார் என்றும் அவர் போகும் இடத்திற்கு அவர்கள் செல்ல முடியாது என்றும் கேள்விப்பட்டபோது அவர்கள் துக்கமடைந்தார்கள். பேதுரு தம்மை மறுதலிப்பார் என்றும் இயேசு முன்னறிவித்தார். ஆனால் பேதுருவோ பெருமையுள்ளவனாக தொடர்ந்து இயேசுவைப் பின்பற்றுவேன் என்று வலியுறுத்தினார். சிலர் சீக்கிரமாக நம்மைவிட்டு போகப்போகிற அல்லது மரிக்கப்போகிற ஒருவரை நாம் தவறாகப் பின்பற்றிவிட்டோமோ என்று நினைத்திருக்கலாம். அவர்களுடைய துக்கத்தையும் வேதனையையும் பார்த்து இயேசு அவர்களுக்கு உறுதியான கட்டளையைக் கொடுத்தார். முழுவதும் இறைவனைச் சார்ந்திருங்கள். அனைத்து சூழ்நிலைகளிலும் அவரே உறுதியான அடித்தளம். அனைத்தும் ஆட்டங்கண்டாலும் அவர் அசையாமல் நிலைத்திருப்பவர். அவர் நம்முடைய கவலைகளைக் கடிந்துகொள்கிறார். பயம் என்பது அவிசுவாசத்தையே குறிக்கிறது. உங்கள் பரலோக பிதா உங்களைக் ஏமாற்றுவதுமில்லை, உங்களைவிட்டு விலகுவதுமில்லை. உங்கள் விசுவாசமே உலகத்தை ஜெயிக்கிற ஜெயம்.
தன்னைப் பின்பற்றுகிற யாவரும் பிதாவுக்கேற்ற விசுவாசத்தையும் ஜெப வாழ்க்கையையும் உடையவர்களாயிருக்க வேண்டும். இயேசுவும் பிதாவும் ஒன்றாயிருக்கிறார்கள். பிதா நம்முடைய எதிர்காலத்தைப் பற்றி நமக்கு உறுதியளிப்பதைப் போல குமாரன் நமக்கு நிச்சயமளிக்கிறார். குமாரனின் பிதா இந்த உலகத்தில் இருந்தார். அவருடைய அன்பு நம்முடைய நம்பிக்கைக்குப் பாத்திரமானது. அவருடைய சத்தியம் பாறையைப்போல உறுதியானது.
ஆகவே இயேசு தம்முடைய மரணம் மற்றும் பரமேறுதலுக்குப் பிறகு நடைபெறப்போகும் ஒரு காரியத்தை தம்முடைய சீஷர்களுக்கு வெளிப்படுத்தினார். இந்த உலகத்தில் எங்கும் காணமுடியாத வாசஸ்தலங்கள் இறைவனிடத்தில் உண்டு. பரலோகத்திலிருக்கும் இறைவனுடைய வாசஸ்தலம் என்பது எல்லாக் காலத்திலுமுள்ள பரிசுத்தவான்கள் அனைவரையும் உள்ளடக்கக்கூடிய அளவு தாராளமானதாக இருக்கும். இன்று நீங்கள் குச்சுக் குடிசையிலோ, கூடாரத்திலோ வாழ்ந்தாலும் கவலைப்பட வேண்டாம். உங்கள் பிதாவினுடைய வீட்டில் பல வாசஸ்தலங்கள் உண்டு, அவை பெரியவைகளாக இருக்கும். அவர் சுத்தமான, கதகதப்பான, பொருத்தமான வீடுகளை உங்களுக்காக ஆயத்தம் செய்திருக்கிறார். நீங்கள் எப்போதும் உங்கள் பிதாவுக்கு அருகில் வாழும்படி அழைக்கப்பட்டிருக்கிறீர்கள்.
இறைவனே, கிறிஸ்துவை விசுவாசிக்கிறவர்களை நேசித்து, அவர்களுக்காக ஒரு இடத்தை ஆயத்தம் செய்திருக்கிறார். இயேசு பரலோகத்திற்குச் சென்றபோது அந்த வாசஸ்தலங்களைப் பார்வையிட்டு, அவற்றிற்கு மேலும் மெருகூட்டினார். ஆனால் அவர் திரும்ப நம்மிடம் வருகிறார். அவர் நம்மைவிட்டுத் தூரமாக இருப்பதை விரும்பவில்லை. தம்மைப் பின்பற்றுபவர்களை தம்மிடம் சேர்த்துக்கொள்ளும்படி அவர் திரும்ப வருகிறார். ஒரு மணவாளன் மணவாட்டியை நேசிப்பதைப்போல அவர் அவர்களை நேசித்து, தம்முடைய பிதாவினிடத்தில் திருச்சபையை மணவாட்டியாக நிறுத்த இருக்கிறார். அவர்களை வெறுமனே அறிமுகம் செய்வதற்காக அல்ல, முழுவதும் அவருடைய சாயலில் அவர்களை மாற்றி, பரலோக குடும்பத்தில் ஒரு அங்கமாக அவர்களைச் சேர்க்கவிருக்கிறார். நாம் அவரால் பாதுகாக்கப்பட்டவர்களாக, அவருடைய நன்மையில் மகிழ்ந்திருப்பவர்களாக அவருடன் என்றென்றும் வாழுவோம்.
யோவான் 14:4-6
4 நான் போகிற இடத்தை அறிந்திருக்கிறீர்கள், வழியையும் அறிந்திருக்கிறீர்கள் என்றார். 5 தோமா அவரை நோக்கி: ஆண்டவரே, நீர் போகிற இடத்தை அறியோமே, வழியை நாங்கள் எப்படி அறிவோம் என்றான். 6 அதற்கு இயேசு: நானே வழியும் சத்தியமும் ஜீவனுமாயிருக்கிறேன்; என்னாலேயல்லாமல் ஒருவனும் பிதாவினிடத்தில் வரான்.
4 நான் போகிற இடத்தை அறிந்திருக்கிறீர்கள், வழியையும் அறிந்திருக்கிறீர்கள் என்றார். 5 தோமா அவரை நோக்கி: ஆண்டவரே, நீர் போகிற இடத்தை அறியோமே, வழியை நாங்கள் எப்படி அறிவோம் என்றான். 6 அதற்கு இயேசு: நானே வழியும் சத்தியமும் ஜீவனுமாயிருக்கிறேன்; என்னாலேயல்லாமல் ஒருவனும் பிதாவினிடத்தில் வரான்.
“நான் எங்கே போகிறேன் என்பதையும் இறைவனிடத்தில் போகும் வழியையும் நீங்கள் அறிவீர்கள்” என்று இயேசு தம்முடைய சீடர்களிடத்தில் தெரிவித்தார். “நீர் போகும் இடமே எங்களுக்குத் தெரியாது, அதற்கான வழியை நாங்கள் எப்படி அறிவோம்?” என்று தோமா கேட்டார். தன்னுடைய சோகத்தினால் எதிர்காலத்தை அவரால் காண முடியவில்லை. பயம் அவரை ஆட்டுவித்தபடியால் அவர் திசையறியாது தவித்தார்.
இயேசு மென்மையாக அவருக்கு உறுதியளித்தார். “நானே இறைவனிடம் செல்லும் வழி. என்னுடைய அன்பும் சத்தியமுமே பரலோகத்திற்கு வழிநடத்திச் செல்லும் மெய்யான சட்டமாகும். இறைவன் இந்த உலகத்தை நியாயம்தீர்ப்பதற்குப் பயன்படுத்தப் போகும் அளவுகோல் நானே. மனிதர்களுடைய அறியாமையின் அளவுகோல்களை வைத்து உங்களை அளவிடாதீர்கள். இறைவனிடம் செல்லும் வழியைக் காத்துக்கொள்ளுங்கள். என்னிடத்தில் வாருங்கள்; என்னோடு உங்களை ஒப்பீடு செய்யுங்கள்; அப்போது நீங்கள் கேடான பாவிகளன்றி வேறல்ல என்பதை அறிந்துகொள்வீர்கள்.”
கிறிஸ்து பயத்திலுள்ளவர்களை மேலும் பயப்படுத்தமாட்டார். துக்கத்தில் இருப்பவர்களை இன்னும் துக்கப்படுத்த மாட்டார். நீங்கள் அதிகமாக சோகத்தை அடையும்போது அவர் தம்முடைய கரத்தை நீட்டி, “நான் உங்களுக்கு புதிய சத்தியத்தைத் தருகிறேன். பழைய காரியங்களை மறந்து விடுங்கள். நான் உங்களுக்காக மரித்து, புதிய உடன்படிக்கையை கிருபையினால் ஏற்படுத்தியிருக்கிறேன். உங்கள் பாவங்கள் மன்னிக்கப்பட்டது. உங்கள் விசுவாசம் உங்களை இரட்சித்திருக்கிறது. நீங்கள் என்னைப் பற்றிக்கொண்டு, புத்திர சுவிகாரத்தில் நிலைத்திருங்கள். என்னால் நீங்கள் சத்தியத்தைப் பெற்றுக்கொள்வீர்கள். என்னையல்லாமல் நீங்கள் அழிந்துபோவீர்கள்” என்று கூறுகிறார்.
“இவையனைத்தையும் நான் கேட்டாலும் விசுவாசம், வல்லமை, விண்ணப்பம் மற்றும் பரிசுத்தம் ஆகியவற்றில் நான் குறைவுள்ளவனாயிருக்கிறேன்” என்று நீங்கள் கூறலாம். இயேசு உங்களுக்கு இவ்வாறு பதிலுரைக்கிறார். “நான் உங்களுக்கு நித்திய ஜீவனைக் கொடுக்கிறேன்; நானே வாழ்க்கையின் ஊற்று. விசுவாசத்தினால் என்னைப் பற்றிக்கொண்டால் நீங்கள் பரிசுத்த ஆவியைப் பெற்றுக்கொள்வீர்கள். அந்த ஆவியில் நீங்கள் பெருவாழ்வைப் பெற்றுக்கொள்வீர்கள்.” கிறிஸ்துவை விசுவாசிக்கிறவர்கள் எப்போதும் வாழ்கிறார்கள். அவரைவிட்டுத் தூரமாக செல்லாதீர்கள். அவரே உங்கள் வாழ்க்கை. ஒன்று நீங்கள் உங்கள் பாவங்களினால் மரித்திருக்க வேண்டும்; அல்லது கிறிஸ்துவில் உயிர் பெற்றிருக்க வேண்டும். இவையிரண்டுக்கும் நடுவில் ஒரு நிலை கிடையாது. கிறிஸ்துவே விசுவாசியின் வாழ்வாயிருக்கிறார்.
கிறிஸ்துவோடு இணைக்கப்பட்டவர்கள் இறைவனுக்கு முன்பாக நின்று அவரை இரக்கமுள்ள தகப்பனாகக் காண்பார்கள். எந்தவொரு சமயமோ, தத்துவமோ, சட்டமோ அல்லது விஞ்ஞானமோ இறைவனிடம் உங்களை இழுத்துக்கொள்ளாது. இறைமகனான கிறிஸ்து மட்டுமே இதைச் செய்ய முடியும்; அவரில் பிதா உங்களுக்கு முன்பாக நிற்கிறார். இறைவனுடைய பூரண வெளிப்பாடு கிறிஸ்துவே. அவராலேயல்லாமல் யாரும் பிதாவை அறியார்கள். இறைவளை அறியும் சிலாக்கியம் நமக்குக் கொடுக்கப்பட்டிருக்கிறது. கிறிஸ்து அன்பாயிருப்பதால் அவரை நாம் நெருங்கிச் சேரலாம். அவர் நம்மை இறைவனுடைய பிள்ளைகளாக்குகிறார்.
யோவான் 14:7
7 என்னை அறிந்தீர்களானால் என் பிதாவையும் அறிந்திருப்பீர்கள்; இதுமுதல் நீங்கள் அவரை அறிந்தும் அவரைக் கண்டும் இருக்கிறீர்கள் என்றார்.
7 என்னை அறிந்தீர்களானால் என் பிதாவையும் அறிந்திருப்பீர்கள்; இதுமுதல் நீங்கள் அவரை அறிந்தும் அவரைக் கண்டும் இருக்கிறீர்கள் என்றார்.
இவ்வுலகத்தின் பிள்ளைகள் தங்களுடைய பாவத்தினால் இறைவனை விட்டு வெகுதூரத்தில் இருக்கிறார்கள். எந்த மனிதனும் சுயமாக இறைவனை அறிய முடியாது. பிதாவின் மடியிலிருக்கிற குமாரனேயல்லாமல் வேறு ஒருவரும் இறைவனைக் கண்டதில்லை. நீங்கள் என்னை அறிந்திருந்தால் என் பிதாவையும் அறிந்திருப்பீர்கள் என்று அவர் சொன்னார். ஆனால் அவர்கள் அதை அறியவில்லை. அறிவு என்பது தகவல்களைத் தெரிந்திருப்பதோ விஞ்ஞானமோ அல்ல அது மாறுதலும் புதுப்பிக்கப்படுதலுமாகும். இறைவனுடைய அறிவு நம்மில் மனவுருவாகி நமது வாழ்க்கையில் வெளிப்படுகிறது. சமயப் பாடங்கள் என்பது இறைவனை அறிவதல்ல. வஞ்சிக்கப்படாதிருங்கள். இறைவனை அறிவதற்கு நற்செய்தியின் வெளிச்சத்திற்கு நம்மை ஒப்புக்கொடுக்க வேண்டும். நீங்கள் மாற்றம் அடைந்து வெளிச்சமாவீர்கள்.
தான் காட்டிக்கொடுக்கப்படும் தருணத்தில் இயேசு தம்முடைய சீடர்களிடம் பேசிய காரியங்கள் ஆச்சரியமானவை. “இப்போதிருந்து நீங்கள் என்னை அறிந்துகொள்வீர்கள். நான் சர்வ வல்லமையுள்ள ஆண்டவரும் ஞானமும் மகிமையும் உள்ளவரும் மட்டுமல்ல, உலகத்தின் பாவத்தைச் சுமந்து தீர்க்கிற தேவ ஆட்டுக்குட்டியாகவும் இருக்கிறேன். என்னுடைய பரிகார மரணத்தின் மூலமாக இறைவன் தன்னை ஒப்புரவாக்கும் பிதாவாகத் தன்னை வெளிப்படுத்துகிறார். அதனால் தம்முடைய கோபத்தில் அவர்கள் உங்களைத் தண்டித்து அழிக்காமல், அவருடைய மகனாகிய என்னைத் தண்டிக்கிறார். அதன் மூலமாக நீங்கள் விடுதலையடைந்து மாற்றப்பட்டு, பரிசுத்தமாக்கப்பட்டு, அவருடைய பிள்ளைகளின் ஐக்கியத்தில் இணைக்கப்படுவீர்கள்.”
சிலுவையில் இறைவன் தன்னைப் பிதாவாக வெளிப்படுத்துகிறார். உயர்த்தப்பட்டவர் நமக்குத் தூரமாக இல்லை. அவர் அன்பாகவும், இரக்கமாகவும், மீட்பாகவும் இருக்கிறார். இறைவன் உங்களுடைய தனிப்பட்ட தகப்பனாயிருக்கிறார். என்னை விசுவாசிக்கும் பிள்ளைகளாக நீங்கள்தான் இருக்கிறீர்கள். நீங்கள் மட்டுமே இறைவனை அறிந்திருக்கிறீர்கள். இந்த அறிவு உங்களை மாற்றி நடைமுறையில் நற்குணங்களாக உங்களில் வெளிப்படும்.
யோவான் 14:8-9
8 பிலிப்பு அவரை நோக்கி: ஆண்டவரே, பிதாவை எங்களுக்குக் காண்பியும், அது எங்களுக்குப் போதும் என்றான். 9 அதற்கு இயேசு: பிலிப்புவே, இவ்வளவுகாலம் நான் உங்களுடனேகூட இருந்தும் நீ என்னை அறியவில்லையா? என்னைக் கண்டவன் பிதாவைக் கண்டான்; அப்படியிருக்க, பிதாவை எங்களுக்குக் காண்பியும் என்று நீ எப்படிச் சொல்லுகிறாய்?
8 பிலிப்பு அவரை நோக்கி: ஆண்டவரே, பிதாவை எங்களுக்குக் காண்பியும், அது எங்களுக்குப் போதும் என்றான். 9 அதற்கு இயேசு: பிலிப்புவே, இவ்வளவுகாலம் நான் உங்களுடனேகூட இருந்தும் நீ என்னை அறியவில்லையா? என்னைக் கண்டவன் பிதாவைக் கண்டான்; அப்படியிருக்க, பிதாவை எங்களுக்குக் காண்பியும் என்று நீ எப்படிச் சொல்லுகிறாய்?
“நீங்கள் பிதாவைப் பார்த்தும் அறிந்தும் இருக்கிறீர்கள்” என்று இயேசு சொன்னபோது பிலிப்பு ஆச்சரியப்பட்டு, “இல்லை. நாங்கள் பிதாவைக் காணவில்லையே” என்று சொல்ல நினைத்தாலும் தனது ஆண்டவரின் மேன்மையினால் அவ்வாறு கூறாமல், “ஆண்டவரே, பிதாவை எங்களுக்குக் காட்டும். அது போதும்” என்றார். இயேசுவையும் அவருடைய வல்லமையைக் குறித்த இரகசியத்தையும் பிலிப்பு அறிந்திருந்தார் என்பதை இந்தக் கோரிக்கை காண்பிக்கிறது. அந்த இரகசியம் அவருக்குப் பிதாவுடன் இருக்கும் ஐக்கியத்தில் இருக்கிறது. அவர் அவர்களைவிட்டுச் செல்வதாயிருந்தாலும், ஒரு கனம் அவர் பிதாவை அவர்களுக்குக் காண்பித்துவிட்டால் போதுமானது. அவர்களும் இயேசுவைப் போல கட்டளை பெற்றவர்களாக சர்வவல்லவரினால் காக்கப்பட்டிருப்பார்கள். அதன்பிறகு அவர்கள் இறைவனை அறிந்துகொண்டவர்களாக, பிசாசுகளைத் துரத்தவும் பிணியாளிகளைச் சுகமாக்கவும் அதிகாரத்தைப் பெற்றுக்கொள்வார்கள்.
ஆயினும் அந்த விண்ணப்பத்தின் மூலமாக பிலிப்பு தனக்குப் பிதாவையும் குமாரனையும் தெரியாது என்பதை அறிக்கை செய்கிறார். அவர் தெய்வத்துவத்தையும் சத்தியத்தையும் உணர்ந்துகொள்ளத் தவறுகிறார். இயேசு அவரைக் கடிந்துகொள்ளவில்லை. அவர் இரக்கமுள்ளவராயிருக்கிறார். அந்த இறுதி மாலையில் மாபெரும் சத்தியத்தை அவர்களுக்கு அறிவிக்கிறார். “என்னைக் கண்டவன் பிதாவைக் கண்டான்.” இந்தப் பொருள் செறிந்த வார்த்தையின் மூலமாக இயேசு தம்முடைய சீடர்களுக்கு முன்பாக இருந்த திரையைக் கிழித்தார். எந்த தரிசனமோ, கனவுகளோ இறைவனைக் குறித்த சத்தியத்தை வெளிப்படுத்தாது. இயேசு கிறிஸ்துவே இறைவனை வெளிப்படுத்துபவர். அவர் ஒரு முக்கியமான நபர் மட்டுமல்ல, அவரில் நாம் இறைவனைக் காண்கிறோம். இன்று நீங்கள் இறைவனை ஒரு தரிசனத்தில் காணும்போது இயேசுவைக் கண்டாலே அவரை அறிந்துகொள்வீர்கள். தோமாவும் இந்த வார்த்தைகளைக் கேட்டார், ஆனால் அவற்றின் முக்கியத்துவத்தை உணராமல் போனார். இயேசுவின் உயிர்த்தெழுதலுக்குப் பிறகுதான் அவர் நொறுக்கப்பட்டவராக “என் ஆண்டவரே, என் இறைவனே” என்று அவரைத் தொழுதுகொண்டார்.
யோவான் 14:10-11
10 நான் பிதாவிலும், பிதா என்னிலும் இருக்கிறதை நீ விசுவாசிக்கிறதில்லையா? நான் உங்களுடனே சொல்லுகிற வசனங்களை என் சுயமாய்ச் சொல்லவில்லை; என்னிடத்தில் வாசமாயிருக்கிற பிதாவானவரே இந்தக் கிரியைகளைச் செய்துவருகிறார். 11 நான் பிதாவிலும் பிதா என்னிலும் இருக்கிறதை நம்புங்கள்; அப்படியில்லாவிட்டாலும் என் கிரியைகளினிமித்தமாவது என்னை நம்புங்கள்.
10 நான் பிதாவிலும், பிதா என்னிலும் இருக்கிறதை நீ விசுவாசிக்கிறதில்லையா? நான் உங்களுடனே சொல்லுகிற வசனங்களை என் சுயமாய்ச் சொல்லவில்லை; என்னிடத்தில் வாசமாயிருக்கிற பிதாவானவரே இந்தக் கிரியைகளைச் செய்துவருகிறார். 11 நான் பிதாவிலும் பிதா என்னிலும் இருக்கிறதை நம்புங்கள்; அப்படியில்லாவிட்டாலும் என் கிரியைகளினிமித்தமாவது என்னை நம்புங்கள்.
இயேசுவின் சீஷர்கள் நற்செய்தி முழுவதையும் மனப்பாடம் செய்தாலும், பரிசுத்த ஆவியினால் அவர்களுடைய இருதயம் மாற்றப்படாவிட்டால் அவருடைய அடிப்படைத் தன்மையை அவர்கள் உணர்ந்துகொள்ளவில்லை. அவரை மங்கலாகத்தான் அவர்கள் காண்கிறார்கள். பிலிப்பு தம்முடைய தெய்வீகத்தை ஆழமாக விசுவாசிக்கத்தக்கதாக இயேசு ஒரு கேள்வியைக் கேட்டார். “நான் பிதாவில் இருக்கிறதை நீ விசுவாசிக்கிறாயா? என்னுடைய வாழ்வின் நோக்கமே பிதாவை மகிமைப்படுத்துவதுதான். நான் என் பிதாவில் இருக்கிறேன். என்னுடைய பிதா சரீரப்பிரகாரமாக என்னில் வாசமாயிருக்கிறார். தெய்வத்துவத்தின் பரிபூரணமெல்லாம் என்னில் வாசமாயிருக்கிறது. நான் பரிசுத்த ஆவியினால் பிறந்து, உங்கள் நடுவில் பாவமில்லாதவனாக வாழ்ந்தேன். நான் நித்தயகாலமாக அவரை அறிந்திருக்கிறேன். அந்த அறிவே என்னில் மனுவுருவாகியுள்ளது. என்னில் அவர் தம்முடைய தகப்பன் தன்மையையும் முழுமையான இரக்கத்தையும் வெளிப்படுத்துகிறார்.”
“இவற்றிற்கு என்னிடத்தில் ஆதாரங்கள் உண்டு: என்னுடைய அதிகாரபூர்வமான வார்த்தைகளும் தெய்வீக செயல்களுமே அவ்வாதாரங்கள் ஆகும். பிதா என்னில் இருக்கிறார் என்பதை விசுவாசிப்பது உங்களுக்குக் கடினமாயிருந்தால், என்னுடைய வார்த்தைகளைக் கவனித்துக் கேளுங்கள். அவற்றின் மூலமாக பிதா உங்களிடம் பேசுகிறார். அந்த வார்த்தைகள் உங்களுக்கு ஜீவனையும், வல்லமையையும், தைரியத்தையும் தருகிறது. நீங்கள் என்னுடைய வார்த்தைகளைப் புரிந்துகொள்ளவில்லையென்றால் என்னுடைய செயல்களைப் பாருங்கள். இறைவனே அச்செயல்கள் மூலமாக உங்கள் நடுவில் தன் தெய்வீகக் கிரியைகளை நடப்பிக்கிறார். தொலைந்துபோன உங்களை என் மூலமாக அவர் இரட்சிக்கிறார். என்னுடைய சிலுவை மரணத்தின்போது இறைவனுடைய மாபெரும் செயலை நீங்கள் காண்பீர்கள். இறைவன் முழு மனுக்குலத்தையும் தம்மோடு ஒப்புரவாக்கிக்கொள்ளப் போகிறார். உங்கள் கண்களைத் திறந்து பாருங்கள். உங்கள் காதுகளை அடைத்துக்கொள்ளாதீர்கள். சிலுவையில் அறையப்பட்டவரில் நீங்கள் இறைவனைக் காண்பீர்கள். உங்களை நியாயம் தீர்க்காமல் உங்களை இரட்சிக்கிற உண்மையான இறைவன் அவரே.”
நன்றி:
Water of life.org
