யோவான் 12 விலக்கவுரை
2. இயேசு எருசலேமிற்குள் நுழைகிறார் (யோவான் 12:9–19)
யோவான் 12:9-11
9 அப்பொழுது யூதரில் திரளான ஜனங்கள் அவர் அங்கேயிருக்கிறதை அறிந்து, இயேசுவினிமித்தமாகமாத்திரம் அல்ல, அவர் மரித்தோரிலிருந்தெழுப்பின லாசருவைக் காணும்படியாகவும் வந்தார்கள். 10 லாசருவினிமித்தமாக யூதர்களில் அநேகர் போய், இயேசுவினிடத்தில் விசுவாசம்வைத்தபடியால், 11 பிரதான ஆசாரியர்கள் லாசருவையும் கொலைசெய்ய ஆலோசனைபண்ணினார்கள்.
9 அப்பொழுது யூதரில் திரளான ஜனங்கள் அவர் அங்கேயிருக்கிறதை அறிந்து, இயேசுவினிமித்தமாகமாத்திரம் அல்ல, அவர் மரித்தோரிலிருந்தெழுப்பின லாசருவைக் காணும்படியாகவும் வந்தார்கள். 10 லாசருவினிமித்தமாக யூதர்களில் அநேகர் போய், இயேசுவினிடத்தில் விசுவாசம்வைத்தபடியால், 11 பிரதான ஆசாரியர்கள் லாசருவையும் கொலைசெய்ய ஆலோசனைபண்ணினார்கள்.
இயேசு லாசருவைச் சந்தித்தார் என்ற செய்தி எருசலேமை எட்டியபோது பெரிய குழப்பம் உண்டானது. எருசலேமிலிருந்து மக்கள் புறப்பட்டு இயேசுவின் உயிரளிக்கும் அற்புதத்தைக் காணும்படி ஒலிவ மலைக்கும் பெத்தானியாவுக்கும் வந்தார்கள்.
இயேசு லாசருவைச் சந்தித்தார் என்ற செய்தி எருசலேமை எட்டியபோது பெரிய குழப்பம் உண்டானது. எருசலேமிலிருந்து மக்கள் புறப்பட்டு இயேசுவின் உயிரளிக்கும் அற்புதத்தைக் காணும்படி ஒலிவ மலைக்கும் பெத்தானியாவுக்கும் வந்தார்கள். உயிர்தெழுதலையும் ஆவிகளையும் விசுவாசிக்காத சதுசேயருடன் பிரதான ஆசாரியர்கள் சேர்ந்துகொண்டார்கள். அந்தக் கூட்டணி லாசருவின் அற்புதமான உயிர்த்தெழுதலைப் புறக்கணித்ததோடு மட்டுமின்றி, உயிரோடு எழுப்பியவரையும் எழுப்பப்பட்ட லாசருவையும் சேர்த்துக் கொலை செய்துவிட்டால், உயிர்த்தெழுதல் இல்லை என்று நிரூபித்து விடலாம் என்று கருதினார்கள். அத்துடன் லாசரு உயிருடன் எழுப்பப்பட்டதால் மக்கள் கூட்டம் அவரை மேசியாவாகக் கருதத் தொடங்கியதும் இயேசுவைக் கொல்வதற்கு அவர்களைத் தூண்டியது.
யோவான் 12:12-13
12 மறுநாளிலே இயேசு எருசலேமுக்கு வருகிறாரென்று பண்டிகைக்கு வந்த திரளான ஜனங்கள் கேள்விப்பட்டு, 13 குருத்தோலைகளைப் பிடித்துக்கொண்டு, அவருக்கு எதிர்கொண்டுபோகும்படி புறப்பட்டு: ஓசன்னா, கர்த்தருடைய நாமத்தினாலே வருகிற இஸ்ரவேலின் ராஜா ஸ்தோத்திரிக்கப்பட்டவர் என்று ஆர்ப்பரித்தார்கள்.
12 மறுநாளிலே இயேசு எருசலேமுக்கு வருகிறாரென்று பண்டிகைக்கு வந்த திரளான ஜனங்கள் கேள்விப்பட்டு, 13 குருத்தோலைகளைப் பிடித்துக்கொண்டு, அவருக்கு எதிர்கொண்டுபோகும்படி புறப்பட்டு: ஓசன்னா, கர்த்தருடைய நாமத்தினாலே வருகிற இஸ்ரவேலின் ராஜா ஸ்தோத்திரிக்கப்பட்டவர் என்று ஆர்ப்பரித்தார்கள்.
எருசலேமில் எங்கும் இயேசுவைப் பற்றிய பேச்சுத்தான். அவர் என்ன செய்வார் என்பதைக் குறித்து மக்கள் யூகிக்கத்தொடங்கினார்கள். “அவர் ஓடிப்போய்விடுவாரா அல்லது நகரத்தைக் கைப்பற்றுவாரா?” அவர் அன்றிரவு பெத்தானியாவில் தங்கிவிட்டு மறுநாள் காலையில் தன்னுடைய சீஷர்களுடன் எருசலேமை நோக்கிய பயணத்தைத் தொடர்ந்தார். “புதிய அரசன் வருகிறார். தெய்வீக இராஜா அருகாமையில் நெருங்குகிறார்.” அவர் மேலும் அற்புதங்களைச் செய்வார் என்று வெற்றிகளை ஈட்டுவார் என்றும் கருதினார்கள். சிலர் குருத்தோலைகளை வெட்டிக்கொண்டு வந்து அவரை வரவேற்றார்கள். மற்றவர்கள் அரசர்களையும் வீர சாகசம் புரிந்தவர்களையும் வரவேற்கும் பாடல்களைப் பாடினார்கள். “நாங்கள் உம்மைத் துதித்து மகிமைப்படுத்துகிறோம். நீர் சர்வ வல்லமையுள்ளவர். நீர் கர்த்தருடைய அதிகாரத்துடன் அவருடைய நாமத்தினால் வருகிறீர். நீர் கொண்டுவரும் ஆசீர்வாதங்களுக்காக உமக்கு நன்றி. எங்களுக்கு உதவி எங்களுடைய அனைத்து அவமானங்களிலிருந்தும் எங்களை விடுவியும். நீரே எங்கள் விடுதலையாளரும், சாகசவீரரும், தலைவருமாயிருக்கிறீர். நீரே எங்கள் உண்மையான அரசன்” என்று பெரும் சத்தமாக அவரை வாழ்த்தினார்கள்.
யோவான் 12:14-16
14 அல்லாமலும்: சீயோன் குமாரத்தியே, பயப்படாதே, உன் ராஜா கழுதைக்குட்டியின்மேல் ஏறிவருகிறார் என்று எழுதியிருக்கிறபிரகாரமாக, 15 இயேசு ஒரு கழுதைக்குட்டியைக் கண்டு அதின்மேல் ஏறிப்போனார். 16 இவைகளை அவருடைய சீஷர்கள் துவக்கத்திலே அறியவில்லை. இயேசு மகிமையடைந்த பின்பு, இப்படி அவரைக்குறித்து எழுதியிருக்கிறதையும், தாங்கள் இப்படி அவருக்குச் செய்ததையும் நினைவுகூர்ந்தார்கள்.
14 அல்லாமலும்: சீயோன் குமாரத்தியே, பயப்படாதே, உன் ராஜா கழுதைக்குட்டியின்மேல் ஏறிவருகிறார் என்று எழுதியிருக்கிறபிரகாரமாக, 15 இயேசு ஒரு கழுதைக்குட்டியைக் கண்டு அதின்மேல் ஏறிப்போனார். 16 இவைகளை அவருடைய சீஷர்கள் துவக்கத்திலே அறியவில்லை. இயேசு மகிமையடைந்த பின்பு, இப்படி அவரைக்குறித்து எழுதியிருக்கிறதையும், தாங்கள் இப்படி அவருக்குச் செய்ததையும் நினைவுகூர்ந்தார்கள்.
இந்தப் பாராட்டுக்களைக் கண்டு இயேசு மயங்கிவிடவில்லை. ஏனெனில் மக்கள் கூட்டம் ஆரவாரிக்கும்பொழுது தெளிவாகக் கேட்கவோ சிந்திக்கவோ முடியாது என்றும் வெற்றுக்கூச்சல் போட்டுக்கொண்டு தெருக்களில் திரிவார்கள் என்றும் அவருக்குத் தெரியும். மாறாக அவர்களோடு அடையாள மொழியில் பேசும்வண்ணம் கழுதைக் குட்டியின் மீது ஏறி பிரயாணம் செய்தார். அதன் மூலம், “சகரியா 9:9-ல் வாக்குப்பண்ணப்பட்ட அரசன் நான்தான். பயப்படாமல் மகிழ்கொண்டாடுங்கள். நான் சுவர்களையும் நகர மதில்களையும் உடைப்பதில்லை. நான் கொல்லுவதுமில்லை, இறைவனுடைய நியாயத்தீர்ப்பை நிறைவேற்றுவதுமில்லை. நான் பாரபட்சமின்றி நீதியை நிறைவேற்றுவேன். நான் அநாதைகளுக்கும் நீதியைக் காண்பித்து, விதவைகளுக்கு கருணை காட்டுவேன்” என்று அறிவித்தார்.
“எல்லா மனிதர்களும் நீதியுள்ளவர்கள் அல்ல என்பது துக்கமான காரியம். பெரும்பான்மையானவர்கள் நேர்வழியை விட்டு விலகுகிறவர்களாகவே இருக்கிறார்கள். நீங்கள் அழிக்கப்பட வேண்டியவர்கள், ஆனால் நான் உங்களை அழிக்கப் போவதில்லை. உங்களில் உள்ள தீமையை அழிக்கப்போகிறேன். நான் வெற்றியாளனாக உங்களுடைய பாவங்களை என்னுடைய சரீரத்தில் சுமக்கப்போகிறேன். ஆனாலும் நான் தோல்வியடைந்த பெலவீனனைப் போல காட்சி தருவேன். இவ்விதமாக நான் உங்களை இறைவனுடைய கோபத்திலிருந்து விடுதலை செய்வேன். இவ்விதமாக நான் ஆவிக்குரிய யுத்தத்தில் வெற்றி பெறுவேன்.”
“நீங்கள் வாளேந்தி வெற்றிபெரும் சாகச அரசனை எதிர்பார்க்கிறீர்கள். நானோ தாழ்மையான ஆட்டுக்குட்டியாக தீவிரவாதமின்றி வருகிறேன். நான் என்னுடைய விருப்பங்களை என்னுடைய பிதாவின் சித்தத்திற்கு ஒப்புக்கொடுத்திருக்கிறேன். நீங்கள் போராட்டத்தையும் வெற்றியையும் எதிர்பார்க்கிறீர்கள். நானோ உங்களுக்கு இறைவனுடன் ஒப்புரவாகுதலையும், விடுதலையையும், சமாதானத்தையும் கொடுக்கிறேன். நான் வரும் வாகனத்தைப் பாருங்கள். நான் குதிரையையோ, ஒட்டகத்தையோ பயன்படுத்தாமல் கழுதைக் குட்டியைப் பயன்படுத்துகிறேன். நான் பணத்தையோ கனத்தையோ எதிர்பார்க்கவில்லை.
ஆனால் நான் நித்தய வாழ்வுடன் வந்து, பரலோகத்தின் வாசலைத் திறந்து, மனந்திரும்புகிறவர்களை இறைவனோடு ஒப்புரவாக்குகிறேன்.” இவ்வாறு இயேசு தன்னுடைய செய்கையின் மூலமாகப் பேசியதை மக்களோ அவருடைய சீடர்களோ புரிந்துகொள்ளவில்லை. இயேசு உயிரோடு எழுந்த பிறகு, பரிசுத்த ஆவியானவர் அவர்களுடைய கண்களைத் திறந்தபொழுதுதான் அவர்கள் தங்கள் ஆண்டவருடைய தாழ்மையையும் இறைவனுடைய மகிமையையும் கண்டார்கள். இவை மனிதனுடைய பொருளாதார மற்றும் அரசியல் அபிலாசைகளுக்கு முற்றிலும் வித்தியாசமானது. ஆனால் கிறிஸ்துவைப் பின்பற்றியவர்கள் அந்தத் தீர்க்கதரிசனத்தின் பொருளையும் அதன் எழுத்தின்படியான நிறைவேற்றத்தையும் அறியாமலேயே மகிழ்ச்சி ஆரவாரத்துடன் அவரைக் குறித்துப் பாடி மகிழும்படி பரிசுத்த ஆவியானவர் அவர்களை வழிநடத்தினார்.
யோவான் 12:17-19
17 அன்றியும் அவருடனேகூட இருந்த ஜனங்கள் அவர் லாசருவைக் கல்லறையிலிருந்து வெளியே வரவழைத்து, அவனை உயிரோடே எழுப்பினாரென்று சாட்சி கொடுத்தார்கள். 18 அப்படிப்பட்ட அற்புதத்தை அவர் செய்தார் என்று ஜனங்கள் கேள்விப்பட்டதினால் அவர்கள் அவருக்கு எதிர்கொண்டுபோனார்கள். 19 அப்பொழுது பரிசேயர் ஒருவரையொருவர் நோக்கி: நீங்கள் செய்கிறதெல்லாம் வீணென்று அறிகிறதில்லையா? இதோ, உலகமே அவனுக்குப் பின்சென்று போயிற்றே என்றார்கள்.
17 அன்றியும் அவருடனேகூட இருந்த ஜனங்கள் அவர் லாசருவைக் கல்லறையிலிருந்து வெளியே வரவழைத்து, அவனை உயிரோடே எழுப்பினாரென்று சாட்சி கொடுத்தார்கள். 18 அப்படிப்பட்ட அற்புதத்தை அவர் செய்தார் என்று ஜனங்கள் கேள்விப்பட்டதினால் அவர்கள் அவருக்கு எதிர்கொண்டுபோனார்கள். 19 அப்பொழுது பரிசேயர் ஒருவரையொருவர் நோக்கி: நீங்கள் செய்கிறதெல்லாம் வீணென்று அறிகிறதில்லையா? இதோ, உலகமே அவனுக்குப் பின்சென்று போயிற்றே என்றார்கள்.
பெத்தானியாவிலிருந்து இயேசுவுடன் வந்தவர்களை எருசலேமிலிருந்து வந்த ஊர்வலம் இயேசுவை வரவேற்பதற்காக கிதரோன் பள்ளத்தாக்கில் சந்தித்தது. பெத்தானியாவிலிருந்து அவருடன் வந்தவர்கள், “இவர் லாசருவை உயிரோடு எழுப்பியுள்ளதால் இவர்தான் மேசியா, இவரை வரவேற்று உபசரியுங்கள்” என்று சத்தமிட்டுக் கத்தினார்கள். ஐந்து அப்பங்களைக் கொண்டு இயேசு ஐயாயிரம் பேருக்கு உணவளித்த நிகழ்ச்சிக்கு பெருந்திரளான மக்கள் கூடிவரக் காரணம் இயேசு பெதஸ்தாவில் குணமாக்கியதே. அதேபோல இங்கு பெருந்திரளான மக்கள் அவரைப் பின்பற்றுவதற்குக் காரணம் அவர் லாசருவை உயிருடன் எழுப்பியதேயாகும். இந்த இரண்டு தருணங்களிலும் உலக காரணங்களினாலேயே மக்கள் இயேசுவை நேசித்தார்களே தவிர நீதியினிமித்தமாகவோ மனந்திரும்புதலின் நிமித்தமாகவோ அல்ல.
இந்தக் கூட்டத்திற்குப் பின்பாக பரிசேயர்களும் மக்களுடைய தலைவர்களும் கோபத்துடனும் பொறாமையுடனும் இயேசு நகரத்திற்குள் நுழையும்வரை காத்திருந்தார்கள். அவர்கள் பயந்து நடுங்கி தங்கள் தோல்வியை ஏற்றுக்கொண்டார்கள். இரகசியமாக இயேசுவைப் பிடிக்க வேண்டும் என்ற அவர்களுடைய திட்டம் நிறைவேறவில்லை. இயேசு வெற்றிபவனியாக எருசலேமிற்குள் நுழைந்தார்.
3. கிரேக்கர்கள் இயேசுவை அறியத் தேடுகிறார்கள் (யோவான் 12:20-26)
யோவான் 12:20-24
20 பண்டிகையில் ஆராதனை செய்யவந்தவர்களில் சில கிரேக்கர் இருந்தார்கள். 21 அவர்கள் கலிலேயா நாட்டுப் பெத்சாயிதா ஊரானாகிய பிலிப்புவினிடத்தில் வந்து: ஐயா, இயேசுவைக் காண விரும்புகிறோம் என்று அவனைக் கேட்டுக்கொண்டார்கள். 22 பிலிப்பு வந்து, அதை அந்திரேயாவுக்கு அறிவித்தான்; பின்பு அந்திரேயாவும் பிலிப்புவும் அதை இயேசுவுக்கு அறிவித்தார்கள். 23 அப்பொழுது இயேசு அவர்களை நோக்கி: மனுஷகுமாரன் மகிமைப்படும்படியான வேளை வந்தது. 24 மெய்யாகவே மெய்யாகவே நான் உங்களுக்குச் சொல்லுகிறேன், கோதுமை மணியானது நிலத்தில் விழுந்து சாகாவிட்டால் தனித்திருக்கும், செத்ததேயாகில் மிகுந்த பலனைக்கொடுக்கும்.
20 பண்டிகையில் ஆராதனை செய்யவந்தவர்களில் சில கிரேக்கர் இருந்தார்கள். 21 அவர்கள் கலிலேயா நாட்டுப் பெத்சாயிதா ஊரானாகிய பிலிப்புவினிடத்தில் வந்து: ஐயா, இயேசுவைக் காண விரும்புகிறோம் என்று அவனைக் கேட்டுக்கொண்டார்கள். 22 பிலிப்பு வந்து, அதை அந்திரேயாவுக்கு அறிவித்தான்; பின்பு அந்திரேயாவும் பிலிப்புவும் அதை இயேசுவுக்கு அறிவித்தார்கள். 23 அப்பொழுது இயேசு அவர்களை நோக்கி: மனுஷகுமாரன் மகிமைப்படும்படியான வேளை வந்தது. 24 மெய்யாகவே மெய்யாகவே நான் உங்களுக்குச் சொல்லுகிறேன், கோதுமை மணியானது நிலத்தில் விழுந்து சாகாவிட்டால் தனித்திருக்கும், செத்ததேயாகில் மிகுந்த பலனைக்கொடுக்கும்.
யூத மார்க்கத்தில் சேர்ந்திருந்த கிரேக்கர்களும் எருசலேமிற்கு வந்திருந்தார்கள். அவர்கள் கிரேக்க உலகத்திலிருந்து பஸ்கா பண்டிகைக்காக அங்கு வந்தனர். மக்கள் கூட்டம் இயேசுவை அரசனைப் போல வரவேற்றதைப் பார்த்த கிரேக்கர்களும் மகிழ்ச்சியடைந்தார்கள். ஆகவே அவர்கள் தாங்களும் அவரைப் பற்றி நன்கு அறிந்துகொள்ள வேண்டும் என்று முடிவு செய்தார்கள். அவர்களுடைய இந்த வேண்டுகோளில் புறவினத்து மக்களுடைய விருப்பம் தெளிவாகக் காண்பிக்கப்படுகிறது. பிலிப்பு கிரேக்க மொழியைப் பேசுகிறவனாயிருந்தபடியால், முதலில் அவரிடம் சென்று பேசினார்கள். அவர் அந்திரேயாவிடம் காரியத்தைத் தெரிவித்தார். புறவினத்து மக்களிடத்திலிருந்து முதற்கனியாக அவர்கள் வந்தபடியால் அதிக மகிழ்ச்சியுடன் அவர்கள் இயேசுவிடம் அதைச் சொன்னார்கள். மதவெறிபிடித்த யூதர்களிடம் இருந்து தப்பிப்பதற்கு கிரேக்கர்களுடைய நாடுகளில் போய்த் தங்குவது வசதியாயிருக்கும் என்று அவர்கள் ஒருவேளை நினைத்திருக்கலாம்.
கிரேக்கர்களுடைய வேண்டுகோளில் உள்ள புறவினத்து மக்களின் ஏக்கத்தையும் சீஷர்களின் சிந்தனையையும் இயேசு அறிந்தார். “மனுஷ குமாரன் மகிமைப்படும்படியான வேளை வந்தது” என்ற மேன்மையான கூற்றை அவர் கூறினார். அதை அவர்கள் புரிந்துகொள்ளாவிட்டாலும், அது ஒரு வெற்றிக்கான அழைப்பாக இருந்தது. அதுதான் யோவான் நற்செய்தி நூலின் சுலோகமானது. அவர் மகிமைப்படும்படியான நேரம் வந்தது. வானமும் பூமியும் ஆவலுடன் எதிர்பார்த்திருந்த வேளை நெருங்கி வந்தது.
ஆயினும் போரில் கிடைக்கும் வெற்றியோ அரசியல் ஆக்கிரமிப்போ அவருடைய மகிமைக்கான அடையாங்கள் அல்ல என்பது ஆச்சரியத்திலும் ஆச்சரியம். யோவான் மறுரூப மலையில் காணப்பட்ட இயேசுவின் மகிமையைக் குறித்துப் பேசவில்லை. அது இயேசுவின் அடிப்படையான மகிமை என்று அவர் கருதவில்லை. ஆனால் கிறிஸ்துவின் மரணத்திற்கும் அவருடைய மகிமைக்கும் இடையிலான தொடர்பைக் குறித்து அவர் பேசுகிறார். சிலுவையில்தான் அவருடைய தெய்வீகத்தின் அடிப்படையாகிய அன்பைக் காண்கிறோம்.
பரத்திலிருந்து பூமியில் விழுந்த ஒரு கோதுமை மணியாக இயேசு தன்னைப் பார்த்தார். அவர் தன்னை வெறுமையாக்கியதால் நீதியையும் மகிமையையும் விளங்கப்பண்ணினார். இயேசு எப்போதுமே மகிமையானவர். தீமையுள்ள மனிதர்களாகிய நம்மை அவருடைய மரணம் மகிமைப்படுத்தி, அவருடைய மகத்துவத்தில் பங்கடைய அது நம்மைத் தகுதிப்படுத்துகிறது. கிரேக்கர்களுடைய அழைப்பு, அவர் அனைத்து இன மக்களையும் தன்னிடத்தில் அழைக்கிறார் என்பதற்கு அடையாளமாயிருக்கிறது. அவர்களில் அவர் தன்னுடைய ஆதி மகிமையைப் புதுப்பிப்பார். அந்த மகிமை சிலுவையின் மூலமாகத்தான் அனைத்துப் படைப்புகளையும் ஊடுருவிச் செல்லும்.
யோவான் 12:25-26
25 தன் ஜீவனைச் சிநேகிக்கிறவன் அதை இழந்துபோவான்; இந்த உலகத்தில் தன் ஜீவனை வெறுக்கிறவனோ அவன் அதை நித்திய ஜீவகாலமாய்க் காத்துக்கொள்ளுவான். 26 ஒருவன் எனக்கு ஊழியஞ்செய்கிறவனானால் என்னைப் பின்பற்றக்கடவன், நான் எங்கே இருக்கிறேனோ அங்கே என் ஊழியக்காரனும் இருப்பான்; ஒருவன் எனக்கு ஊழியஞ்செய்தால் அவனைப் பிதாவானவர் கனம்பண்ணுவார்.
25 தன் ஜீவனைச் சிநேகிக்கிறவன் அதை இழந்துபோவான்; இந்த உலகத்தில் தன் ஜீவனை வெறுக்கிறவனோ அவன் அதை நித்திய ஜீவகாலமாய்க் காத்துக்கொள்ளுவான். 26 ஒருவன் எனக்கு ஊழியஞ்செய்கிறவனானால் என்னைப் பின்பற்றக்கடவன், நான் எங்கே இருக்கிறேனோ அங்கே என் ஊழியக்காரனும் இருப்பான்; ஒருவன் எனக்கு ஊழியஞ்செய்தால் அவனைப் பிதாவானவர் கனம்பண்ணுவார்.
மரணத்தின் மூலமாக மகிமையைப் பெறும் தன்னுடைய வழி தமது சீஷர்களுக்கும் பொருந்தும் என்பதை இயேசு காண்பித்தார். குமாரன் எவ்வாறு மனுக்குலத்தை மீட்பதற்காக தன்னுடைய தெய்வீக மகிமையைத் துறந்து, இறைத் தன்மைகளைக் களைந்து தம்மை வெறுமையாக்கினாரோ, அவ்விதமாகவே நாமும் மேன்மையையோ புகழையோ விரும்பாமல் தொடர்ந்து நம்மை வெறுக்க வேண்டும். நீங்கள் உங்களை நேசிக்கிறீர்களா அல்லது வெறுக்கிறீர்களா என்பதை ஆராய்ந்து பாருங்கள். நீங்கள் உங்களைத் துறந்து அவருடைய இராஜ்யத்தில் உண்மையாகப் பணிசெய்வீர்களானால் தெய்வீக வாழ்வை நிச்சயமாகப் பெற்றுக்கொள்வீர்கள். உங்கள் ஆன்மாவை நித்தியத்திற்காகக் காத்துக்கொள்வீர்கள். இந்த வார்த்தைகள் மூலமாக இயேசு மகிமைக்கான மெய்யான வழியைக் காண்பிக்கிறார். உங்கள் ஆசைகளை நிறைவேற்றுவதற்காக வாழாதீர்கள். பெருமையோ சோம்பலோ உங்களுக்கு இருக்கக்கூடாது. இறைவனுடைய கட்டளைகளுக்குச் செவிகொடுத்து அவரிடத்தில் திரும்புங்கள். பரிதாபமானவர்களையும் கீழ் நிலையில் உள்ளவர்களையும் தேடி அவர்களுக்கு நன்மை செய்யுங்கள். இவ்விதமாகவே இயேசுவும் தன்னுடைய மகிமையைத் துறந்து இவ்வுலகத்திற்கு வந்து பாவிகளோடும் ஏழைகளோடும் பந்தியமர்ந்தார். நற்செய்தியினிமித்தமாக இப்படிப்பட்டவர்களுடன் நீங்கள் உங்கள் வாழ்வைப் பகிர்ந்துகொள்ளும்போது, இறைவனுடைய மகிமை உங்கள் வாழ்க்கையில் தோன்றும். நீங்கள் மற்றவர்களைவிடச் சிறந்தவர்கள் என்று நினைக்க வேண்டாம். உங்களுடைய தோல்விகள், தவறுகள் நடுவிலும் அவர் உங்களைப் பயன்படுத்த முடியும். சுய வெறுப்பின் மூலமாக மட்டுமே அந்த மாற்றம் ஏற்படும்.
நாம் இயேசுவுக்குச் சேவை செய்வது என்பது அவரைப் பின்பற்றி, அவரைப் போல் நாமும் அனுபவிப்பதில்தான் தங்கியுள்ளது என்பதையே இங்கு அவர் தெளிவுபடுத்துகிறார். மேன்மையையும் சுகபோகத்தையும், பெருமையையும் கிறிஸ்துவின் சீடர்கள் எதிர்பார்க்க முடியாது. அவர்கள் புறக்கணிப்பையும், எதிர்ப்புகளையும், பாடுகளையும் மரணத்தையுமே எதிர்பார்க்க முடியும். அவருடைய நாமத்திற்காக நீங்கள் பாடுஅனுபவிக்க ஆயத்தமாயிருக்கிறீர்களா? “நான் எங்கிருக்கிறேனோ அங்கு என்னுடைய சீஷர்களும் இருப்பார்கள்” என்று அவர் சொன்னார். பாடுகளின் பாதையில் அவர் நமக்கு முன்பு சென்றபடியால் அவர் நம்முடன் பாடுபடுகிறவராயிருக்கிறார். இந்தப் பிரயாணத்தில் வெளிப்படையான மகிமை என்பது கிறிஸ்துவின் பிள்ளைகளுக்குரியதல்ல. மற்றவர்களுடைய தேவைகளைச் சந்திப்பதே நம்முடைய மகிழ்ச்சி, நம்மைத் திருப்தி செய்வதில்லை. தியாகத்துடன் அவரைப் பின்பற்றுபவர்களின் ஆவியில்தான் கிறிஸ்துவின் நாமம் மகிமைப்படுகிறது. நாம் குமாரனுடைய சாயலுக்கு ஒப்பாக மாறும்போது பிதாவின் நாமம் மகிமைப்படுகிறது.
இன்று கிறிஸ்து எவ்விதமாக பிதாவின் சிங்காசனத்தில் அமர்ந்து அவருடன் ஒரு பரிபூரண ஐக்கியத்தை அனுபவிக்கிறாரோ அதைப்போல, அவர் நிமித்தமாக இன்று பாடுகளை அனுபவிக்கும் அவருடைய சீஷர்களும் ஒரு நாளிலே பிதாவுடன் இணைக்கப்படுவார்கள். இது ஒரு பெரிய இரகசியம். பிதா தன்னுடைய பிரியமான குமாரனுடைய சீஷர்களுக்கு எவ்விதமான கனத்தைக் கொடுப்பார் என்று நீங்கள் கருதுகிறீர்கள்? அவர் படைப்பில் இருந்ததைப் போல அவர்களிலுள்ள தன்னுடைய சாயலைப் புதுப்பிப்பார். எல்லாவற்றிற்கும் மேலாக அவர் தம்முடைய ஆவியின் முழுமையில் அவர்கள் மீது இறங்குவார். அவர்கள் அவருடைய முதற்பேரான குமாரனாகிய கிறிஸ்துவைப் போல மாற்றப்படுவார்கள். அவர்கள் பரலோகத்தில் என்றென்றும் பிதாவுடன் இருப்பார்கள் (ரோமர் 8:29; வெளி. 21:3,4).
4. குழப்பத்தின் நடுவில் பிதா மகிமைப்படுகிறார் (யோவான் 12:27-36)
யோவான் 12:27-28
27 இப்பொழுது என் ஆத்துமா கலங்குகிறது, நான் என்ன சொல்லுவேன். பிதாவே, இந்த வேளையினின்று என்னை இரட்சியும் என்று சொல்வேனோ; ஆகிலும், இதற்காகவே இந்த வேளைக்குள் வந்தேன். 28 பிதாவே, உமது நாமத்தை மகிமைப்படுத்தும் என்றார். அப்பொழுது: மகிமைப்படுத்தினேன், இன்னமும் மகிமைப்படுத்துவேன் என்கிற சத்தம் வானத்திலிருந்து உண்டாயிற்று.
27 இப்பொழுது என் ஆத்துமா கலங்குகிறது, நான் என்ன சொல்லுவேன். பிதாவே, இந்த வேளையினின்று என்னை இரட்சியும் என்று சொல்வேனோ; ஆகிலும், இதற்காகவே இந்த வேளைக்குள் வந்தேன். 28 பிதாவே, உமது நாமத்தை மகிமைப்படுத்தும் என்றார். அப்பொழுது: மகிமைப்படுத்தினேன், இன்னமும் மகிமைப்படுத்துவேன் என்கிற சத்தம் வானத்திலிருந்து உண்டாயிற்று.
இயேசு தன்னுடைய ஆளுமையில் பாடுபட்டார். அவர் ஜீவனின் அதிபதியாக இருந்தும் மரணம் தன்னை விழுங்குவதற்கு அனுமதித்தார். அவர் கர்த்தாதி கர்த்தராயிருந்தும், மரணத்தின் அதிபதியாகிய பிசாசு அவரைக் கூடியமட்டும் சோதிக்கும்படி தன்னை ஒப்புக்கொடுத்தார். இயேசு நம்முடைய பாவங்களை விருப்பத்துடன் சுமந்து, இறைவனுடைய கோபத்தின் நெருப்பு தன்னைச் சுட்டெரிக்க ஒப்புக்கொடுத்தார். நாம் இரட்சிக்கப்பட்டு பிதாவோடு இணைக்கப்படும்படியாக அவர் தன்னுடைய மகனைக் கைவிட்டார். யாருமே பிதாவிற்கும் குமாரனுக்கும் ஏற்பட்ட இந்த வேதனையை அறிந்துகொள்ள முடியாது. திரித்துவத்தின் ஒருமை நம்முடைய மீட்புக்காக படுவேதனையை அனுபவித்தது.
கிறிஸ்துவின் சரீரம் இந்த அழுத்தும் பாரத்தைச் சுமக்கக்கூடாதிருந்தது. அவர் “பிதாவே, இந்த வேளையிலிருந்து என்னைக் காப்பாற்றும்” என்று கதறினார். ஆனால் ஆவியானவரின் பதில் தெளிவாக அவருடைய மனதில் ஒலித்தது: “நீர் இந்தத் தருணத்திற்காகவே பிறந்திருக்கிறீர். இந்தத் தருணம்தான் நித்தியத்தின் நோக்கமாகும். முழு மனுக்குலமும் இறைவனோடு ஒப்புரவாகும் இந்நேரத்தை, அனைத்துப் படைப்புகளும் சிருஷ்டிகரோடு ஒப்புரவாகும் இத்தருணத்தைத்தான் முழுப் படைப்பும் ஆவலுடன் எதிர்பார்த்துக் காத்திருக்கிறது. இந்நிலையில்தான் இரட்சிப்பின் திட்டம் நிறைவேறும்.”
இந்த நிலையில் “பிதாவே, உம்முடைய நாமத்தை மகிமைப்படுத்தும்” என்று சத்தமிட்டார். குமாரன் தன்னுடைய மாம்சத்தில் இந்த விண்ணப்பத்தை ஏறெடுக்காமல், பரிசுத்த ஆவியானவரினால் இந்த வேண்டுதலை முன்வைத்தார். “உம்முடைய நாமம் பரிசுத்தப்படுவதாக. நீர் ஒரு பயங்கரமான இறைவன் அல்ல என்றும் தூரத்தில் இருந்துகொண்டு மனிதர்களைப் பற்றி அக்கறையற்றிருப்பவர் என்றும் மக்கள் இனி உம்மைக் கருதாமல், அழிந்துகொண்டிருக்கும் தீய உலகத்தைக் காப்பதற்காக தன்னுடைய ஒரே மகனை ஒப்புக்கொடுக்கும் அன்புள்ள இறைவன் என்பதை உலகம் அறிந்துகொள்ளட்டும்.”
குமாரனுடைய விண்ணப்பத்திற்குப் பதிலளிக்க இறைவன் தயங்கவில்லை. அவர் பரலோகத்திலிருந்து பதிலுரைத்தார், “நான் உம்மில் என்னுடைய நாமத்தை மகிமைப்படுத்தினேன். இன்னமும் மகிமைப்படுத்துவேன். நீர் எனக்குக் கீழ்ப்படிவுள்ள, தாழ்மையான குமாரன். உம்மைப் பார்க்கும் எவரும் என்னைப் பார்க்கிறார்கள். நீர் எனக்குப் பிரியமானவர். நீர் சிலுவையைச் சுமப்பதால் உம்மைத் தவிர வேறு எதிலும் எனக்கு மகிழ்ச்சியில்லை. உம்முடைய பதிலாள் மரணத்தினூடாக, வாழ்வின் பிரச்சனைகளின் நடுவில் என்னுடைய மகிமையை நான் வெளிப்படுத்துவேன். உண்மையான பரிசுத்தம் மற்றும் மகிமையின் பொருளை நீர் உம்முடைய சிலுவையில் வெளிப்படுத்துவீர். தகுதியற்றவர்களும் கடின இருதயமுடையவர்களுமான மக்களுக்காக நீர் செய்யும் இந்தத் தியாகம் தூய்மையான அன்பாகும்.”
தொடர்ந்து பரலோகத்தின் சத்தம் தெளிவாகத் தொனித்தது: “நீர் கல்லறையிலிருந்து உயிருடன் எழுந்து, என்னிடத்தில் பரமேறி வந்து, என்னுடைய வலது பாரிசத்தில் அமரும்போது உம்மை மகிமைப்படுத்தி, உம்முடையவர்கள் மீது நான் பரிசுத்த ஆவியானவரைப் பொழிந்தளுருவேன். பரிசுத்த ஆவியானவர் மூலமாக எண்ணற்ற பிள்ளைகள் மறுபிறப்படையும்போது பிதாவாகிய என்னுடைய நாமம் அதிகமாக மகிமைப்படும். அவர்கள் தங்கள் பரிசுத்த நடக்கையினால் என்னை மகிமைப்படுத்துவார்கள். இறைவனுடைய மக்களின் பிறப்பிற்கு உம்முடைய சிலுவை மரணமே காரணமாகும். மகிமையில் நீர் பரிந்துபேசுவதினால் திருச்சபையின் வெற்றி உறுதிசெய்யப்படுகிறது. உம்மில் மட்டுமே பிதா அளவில்லாமல் மகிமைப்படுகிறார்.”
யோவான் 12:29-33
29 அங்கே நின்று கொண்டிருந்து, அதைக் கேட்ட ஜனங்கள்: இடிமுழக்கமுண்டாயிற்று என்றார்கள். வேறுசிலர்: தேவதூதன் அவருடனே பேசினான் என்றார்கள். 30 இயேசு அவர்களை நோக்கி: இந்தச் சத்தம் என்னிமித்தம் உண்டாகாமல் உங்கள் நிமித்தமே உண்டாயிற்று. 31 இப்பொழுதே இந்த உலகத்துக்கு நியாயத்தீர்ப்பு உண்டாகிறது; இப்பொழுதே இந்த உலகத்தின் அதிபதி புறம்பாகத் தள்ளப்படுவான். 32 நான் பூமியிலிருந்து உயர்த்தப்பட்டிருக்கும்போது, எல்லாரையும் என்னிடத்தில் இழுத்துக்கொள்ளுவேன் என்றார். 33 தாம் இன்னவிதமான மரணமாய் மரிக்கப்போகிறாரென்பதைக் குறிக்கும்படி இப்படிச் சொன்னார்.
29 அங்கே நின்று கொண்டிருந்து, அதைக் கேட்ட ஜனங்கள்: இடிமுழக்கமுண்டாயிற்று என்றார்கள். வேறுசிலர்: தேவதூதன் அவருடனே பேசினான் என்றார்கள். 30 இயேசு அவர்களை நோக்கி: இந்தச் சத்தம் என்னிமித்தம் உண்டாகாமல் உங்கள் நிமித்தமே உண்டாயிற்று. 31 இப்பொழுதே இந்த உலகத்துக்கு நியாயத்தீர்ப்பு உண்டாகிறது; இப்பொழுதே இந்த உலகத்தின் அதிபதி புறம்பாகத் தள்ளப்படுவான். 32 நான் பூமியிலிருந்து உயர்த்தப்பட்டிருக்கும்போது, எல்லாரையும் என்னிடத்தில் இழுத்துக்கொள்ளுவேன் என்றார். 33 தாம் இன்னவிதமான மரணமாய் மரிக்கப்போகிறாரென்பதைக் குறிக்கும்படி இப்படிச் சொன்னார்.
இயேசு தம்முடைய பிதாவுடன் பேசியதை அந்த மக்கள் கூட்டத்தால் அறிந்துகொள்ள முடியவில்லை. அவர்கள் அதை இடிமுழக்கம் என்று கருதினார்கள். இறைவன் அன்பானவர் என்பதை அவர்களால் அறியமுடியவில்லை. அவருடைய மெல்லிய சத்தத்தை அவர்களால் கேட்கவும் முடியவில்லை. இறைவனுடைய குமாரனில் வெளிப்படுகிற மகிமையில் இவ்வுலகத்தின் நியாயத்தீர்ப்பு ஆரம்பமாகிவிட்டது என்பதையும் அவர்கள் அறியவில்லை.
கிறிஸ்து சிலுவையில் உயர்த்தப்பட்டு, தன்னுடைய மரணத்தினால் நமக்கு மறுவாழ்வு கொடுத்ததிலிருந்து சாத்தான் தன்னுடைய அடிமையாகளாயிருந்த நம்மை இழக்க ஆரம்பித்து விட்டான். குமாரன் தன்னுடைய சித்தத்தைப் பிதாவின் சித்தத்திற்கு ஒப்புக்கொடுத்த காரணத்தினால் பொல்லாங்கனுடைய வல்லமைகள் பறிக்கப்பட்டன. முழு உலகமும் அவனுடைய ஆட்சிக்குக் கீழாக இருக்கிறதென்பதால் இயேசு பிசாசை இவ்வுலகத்தின் அதிபதி என்று அழைத்தார். ஆயினும் அவர் தன்னுடைய நீதியின் வாளால் அவனைத் தாக்கி, அவன் மீது வெற்றிகொண்டார். இப்போது நாம் இயேசுவின் நாமத்தினால் விடுதலையுள்ள பிள்ளைகளாயிருக்கிறோம்.
நாம் அவருடைய சிலுவையை நோக்கி கவரப்பட்டிருக்கிறோம். இயேசுவைச் சாதாரணமாக நிலத்திலோ தன்னுடைய படுக்கையிலோ மரிக்க விடாமல் சாத்தான் அவரைச் சிலுவையில் உயர்த்தி அவமானச் சின்னமாக மரிக்கும் அளவிற்கு அவரை வெறுத்தான். எப்படி மோசேயினால் வனாந்தரத்தில் உயர்த்தப்பட்ட வெண்கலப் பாம்பின் சிலை இறைவனுடைய தண்டனையை முடிவுக்குக் கொண்டுவந்ததோ, அவ்விதமாகவே சிலுவையில் உயர்த்தப்பட்ட இயேசுவின் தோள்கள் மீது மனுக்குலம் அனைத்திற்குமான தண்டனை சுமத்தப்பட்டது. சிலுவையில் அறைப்பட்ட இயேசுவை நோக்கிப்பார்க்கும் எவரையும் இறைவன் தண்டிப்பதில்லை. நாம் கிறிஸ்துவின் மீது வைக்கும் விசுவாசம் நம்மை அவருடனும் அவருடைய மரணத்துடனும் இணைக்கிறது. கிறிஸ்துவோடு நமக்கிருக்கும் ஐக்கியம் அவருடைய வல்லமையோடும் மகிமையோடும் நம்மை இணைக்கிறது. அவர் எவ்வாறு பாவத்தையும் மரணத்தையும் தன்னுடைய பரிசுத்தத்தினால் மேற்கொண்டாரோ அப்படியே நம்மையும் அவரண்டை இழுத்துக்கொண்டு மகிமைப்படுத்துவார். அவரை விசுவாசிக்கிறவர்கள் ஒருபோதும் கெட்டுப்போகாமல, அழிவில்லா வாழ்வைப் பெற்றுக்கொள்வார்கள்.
யோவான் 12:34
34 ஜனங்கள் அவரை நோக்கி: கிறிஸ்து என்றென்றைக்கும் இருக்கிறார் என்று வேதத்தில் சொல்லியதை நாங்கள் கேட்டிருக்கிறோம், அப்படியிருக்க மனுஷகுமாரன் உயர்த்தப்படவேண்டியதென்று எப்படிச் சொல்லுகிறீர்; இந்த மனுஷகுமாரன் யார் என்றார்கள்.
34 ஜனங்கள் அவரை நோக்கி: கிறிஸ்து என்றென்றைக்கும் இருக்கிறார் என்று வேதத்தில் சொல்லியதை நாங்கள் கேட்டிருக்கிறோம், அப்படியிருக்க மனுஷகுமாரன் உயர்த்தப்படவேண்டியதென்று எப்படிச் சொல்லுகிறீர்; இந்த மனுஷகுமாரன் யார் என்றார்கள்.
யூதர்கள் அவரை நெருக்கி அவர்தான் மேசியா என்பதற்கான தெளிவான அடையாளத்தைக் காண்பிக்கும்படி அவரை வலியுறுத்தினார்கள். அவருடைய உண்மைத் தன்மையை அவர்கள் ஆய்ந்தறிய விரும்பினார்கள். தானியேல் ஒன்பதாம் அதிகாரத்தில் கூறப்பட்டுள்ள மனித குமாரன் என்பவர் யார் என்பதற்கான விளக்கம் அவர்களுக்குத் தெரியும். அவரே மேசியா என்றும் அனைத்து மக்களின் நியாயாதிபதி என்றும் அவர்கள் அறிவார்கள். ஆயினும் அவர்கள் இயேசுவின் வாயினால் அவருடைய தெய்வீக குமாரத்துவத்தைக் குறித்த அறிக்கையைக் கேட்க விரும்பினார்கள். உண்மையில் அவர்கள் இயேசுதான் இறைமகன் என்பதை விசுவாசிக்காவிட்டாலும் அவர் தன்னைப்பற்றிக் கூறுவதை அவர்கள் மேம்போக்காக ஒத்துக்கொண்டார்கள். அவர் தன்னை வெளிப்படையாக மனித குமாரன் என்று அறிவித்துவிட்டால் அவர் மீது தேவதூஷணம் சொன்னார் என்று குற்றம் சாட்டுவதற்கு சில எதிரிகள் அந்தக் கூட்டத்தில் இருந்தார்கள். தர்க்க ரீதியான ஆதாரங்களைக் கேட்பவர்களுக்கு இயேசு தான் யார் என்பதை அறிவிக்கவில்லை. அவ்வித தர்க்கரீதியான ஆதாரங்கள் எதையும் கேட்காமல் எளிமையாக மனுஷ குமாரனே இறைமைந்தன் என்பதை எளிமையாக பரிசுத்த ஆவியானவரினால் நம்புபவர்களுக்கே அவர் தன்னை வெளிப்படுத்துகிறார்.
யோவான் 12:35
35 அதற்கு இயேசு: இன்னும் கொஞ்சக்காலம் ஒளி உங்களிடத்தில் இருக்கும்; இருளில் நீங்கள் அகப்படாதபடிக்கு ஒளி உங்களோடிருக்கையில் நடவுங்கள்; இருளில் நடக்கிறவன் தான் போகிற இடம் இன்னதென்று அறியான்.
35 அதற்கு இயேசு: இன்னும் கொஞ்சக்காலம் ஒளி உங்களிடத்தில் இருக்கும்; இருளில் நீங்கள் அகப்படாதபடிக்கு ஒளி உங்களோடிருக்கையில் நடவுங்கள்; இருளில் நடக்கிறவன் தான் போகிற இடம் இன்னதென்று அறியான்.
இயேசுவே உலகத்தின் ஒளியாயிருக்கிறார். ஒளிக்கு நாம் விரிவான விளக்கம் கொடுக்கத் தேவையில்லை. சாதாரண மனிதர்களும் ஒளியைப் பார்த்து, அதை இருளிலிருந்து வேறுபடுத்தி அறிந்துகொள்ளக்கூடும். பகல் நேரத்தில் வெளிச்சம் இருப்பதால் ஒருவன் நடக்கவோ ஓடவோ முடியும். ஆனால் இரவில் யாரும் வேலைசெய்ய முடியாது. சூரியன் இருக்கும்போதுதான் நாம் வேலைசெய்ய வேண்டும். யூதர்கள் தன்னுடைய ஒளியின் இராஜ்யத்திற்குள் வரவிரும்பினால் அவர்களுக்கு சொற்ப காலம்தான் இருக்கிறது என்று இயேசு அவர்களை எச்சரித்தார். அந்த நேரத்தில் அவர்கள் தீர்மானம் எடுத்து, அதில் உறுதியாக இருந்து, தங்களை ஒப்புக்ககொடுக்க வேண்டும்.
ஆயினும் யாரெல்லாம் ஒளியைப் புறக்கணிக்கிறார்களோ அவர்கள் இருளில் இருப்பதால் தங்கள் வழியை அறியாதிருக்கிறார்கள். இதைக் குறித்து இயேசு யூதர்களுக்கு ஏற்கனவே முன்னறிவித்திருக்கிறார். அவர்கள் வழியை அறியாமல் ஒரு இலக்கின்றி நம்பிக்கையற்றுத் திரிவார்கள் என்று கூறியிருக்கிறார். இந்த இருள் சாதாரண இருள் அல்ல. அது மனிதனுடைய இருதயத்தில் தீமை தோற்றுவிக்கும் இருளாகும். அவ்விதமாகவே ஒருவன் தன் வாழ்நாள் முழுவதும் இருளடைந்தவனாக வாழ்கிறான். யார் தங்களைக் கிறிஸ்துவிற்குக் கொடுக்கவில்லையோ அவர்கள் இருளினால் மேற்கொள்ளப்படுகிறார்கள். ஏன் இன்று “கிறிஸ்தவ நாடுகள்” என்று கருதப்படுபவை இருளின் பிறப்பிடங்களாக உள்ளன என்பதை நாம் இதன் மூலம் அறியலாம். கிறிஸ்தவ குடும்பத்தில் பிறக்கும் அனைவரும் கிறிஸ்தவர்கள் அல்ல. அவர்கள் அனைவரும் தங்களைக் கிறிஸ்துவுக்கு ஒப்புக்கொடுத்தவர்கள் அல்ல. மறுபடியும் பிறந்த கிறிஸ்தவர்கள் சொற்பமானவர்களே. ஒளியின் இராஜ்யத்திற்குள் வராதவர்கள் இருளினால் மேற்கொள்ளப்படுகிறார்கள். உங்கள் பெற்றோரிடமிருந்து நற்செய்தியின் ஆசீர்வாதங்களை நீங்கள் நேரடியாகப் பெற்றுக்கொள்ள முடியாது. கிறிஸ்துவை ஏற்றுக்கொண்டு, அவருக்கு உங்களை ஒப்புக்கொடுப்பது உங்களுடைய பொறுப்பு.
யோவான் 12:36
36 ஒளி உங்களோடிருக்கையில் நீங்கள் ஒளியின் பிள்ளைகளாகும்படிக்கு, ஒளியினிடத்தில் விசுவாசமாயிருங்கள் என்றார். இவைகளை இயேசு சொல்லி, அவர்களைவிட்டு மறைந்தார்.
36 ஒளி உங்களோடிருக்கையில் நீங்கள் ஒளியின் பிள்ளைகளாகும்படிக்கு, ஒளியினிடத்தில் விசுவாசமாயிருங்கள் என்றார். இவைகளை இயேசு சொல்லி, அவர்களைவிட்டு மறைந்தார்.
விசுவாசத்தினால் நீங்கள் கிறிஸ்துவில் இணையும்போது அது உங்களில் பெரிய மாற்றங்களை உண்டுபண்ணும். நற்செய்தி அணுக்கதிர்களையும்விட வலிமையான மகிமையின் கதிர்களை உங்கள் வாழ்க்கையில் பாய்ச்சும். அணுக்கதிர் அழிவை உண்டுபண்ணும், ஆனால் கிறிஸ்துவின் ஒளிக்கதிர் உங்களில் நித்திய வாழ்வை உண்டாக்கி, உங்களை வெளிச்சத்தின் பிள்ளையாகவும் பலருக்குக் கலங்கரை விளக்கமாகவும் மாற்றும். சத்தியத்தினாலும், தூய்மையினாலும், அன்பினாலும் நிறைந்த கிறிஸ்துவின் அரவணைப்பை நீங்கள் உணர்ந்திருக்கிறீர்களா? இருளிலிருந்து தன்னுடைய ஒளிக்குள் வந்து, பரிசுத்தமாயிருக்கும்படி கிறிஸ்து உங்களை அழைக்கிறார்.
எருசலேமிற்குள் நுழைவதற்கு முன்பாக இயேசு இந்தப் பிரசங்கத்தைத்தான் செய்தார். ரோமர்களையோ, ஏரோதையோ தாக்குவதன் மூலமாக அவர் போராட முற்படவில்லை. அவருடைய போராட்டம் முடிந்து விட்டது. உலகத்தின் நியாயத்திர்ப்பு நெருங்கிவிட்டது. ஒளி இருளில் பிரகாசிக்கிறது, விசுவாசிகள் இரட்சிக்கப்படுவார்கள், அவிசுவாசிகள் இழந்து போவார்கள். பரலோகத்திற்கும் பூமிக்கும் இடையிலான போராட்டம் உச்ச கட்டத்தை எட்டிவிட்டது. இறைவன் தன்னை விசுவாசிக்கும்படி மக்களை வற்புறுத்துவதில்லை. நீங்கள் ஒளியின் பிள்ளையாகிவிட்டீர்களா? அல்லது இன்னும் இருளின் அடிமையாகவே இருக்கிறீர்களா?
5. மனிதர்கள் இறைவனுடைய நியாயத்தீர்ப்புக்கு தங்களை கடினப்படுத்துகிறார்கள் (யோவான் 12:37-50)
யோவான் 12:37-41
37 அவர் இத்தனை அற்புதங்களை அவர்களுக்கு முன்பாகச் செய்திருந்தும், அவர்கள் அவரை விசுவாசிக்கவில்லை. 38 கர்த்தாவே, எங்கள் மூலமாய்க் கேள்விப்பட்டதை விசுவாசித்தவன் யார்? கர்த்தருடைய புயம் யாருக்கு வெளிப்பட்டது என்று ஏசாயா தீர்க்கதரிசி சொன்ன வசனம் நிறைவேறும்படி இப்படி நடந்தது. 39 ஆகையால் அவர்கள் விசுவாசிக்கமாட்டாமல்போனார்கள். ஏனெனில் ஏசாயா பின்னும்: 40 அவர்கள் கண்களினால் காணாமலும், இருதயத்தினால் உணராமலும், குணப்படாமலும் இருக்கும்படிக்கும், நான் அவர்களை ஆரோக்கியமாக்காமல் இருக்கும்படிக்கும், அவர்களுடைய கண்களை அவர் குருடாக்கி, அவர்கள் இருதயத்தைக் கடினமாக்கினார் என்றான். 41 ஏசாயா அவருடைய மகிமையைக் கண்டு, அவரைக்குறித்துப் பேசுகிறபோது இவைகளைச் சொன்னான்.
37 அவர் இத்தனை அற்புதங்களை அவர்களுக்கு முன்பாகச் செய்திருந்தும், அவர்கள் அவரை விசுவாசிக்கவில்லை. 38 கர்த்தாவே, எங்கள் மூலமாய்க் கேள்விப்பட்டதை விசுவாசித்தவன் யார்? கர்த்தருடைய புயம் யாருக்கு வெளிப்பட்டது என்று ஏசாயா தீர்க்கதரிசி சொன்ன வசனம் நிறைவேறும்படி இப்படி நடந்தது. 39 ஆகையால் அவர்கள் விசுவாசிக்கமாட்டாமல்போனார்கள். ஏனெனில் ஏசாயா பின்னும்: 40 அவர்கள் கண்களினால் காணாமலும், இருதயத்தினால் உணராமலும், குணப்படாமலும் இருக்கும்படிக்கும், நான் அவர்களை ஆரோக்கியமாக்காமல் இருக்கும்படிக்கும், அவர்களுடைய கண்களை அவர் குருடாக்கி, அவர்கள் இருதயத்தைக் கடினமாக்கினார் என்றான். 41 ஏசாயா அவருடைய மகிமையைக் கண்டு, அவரைக்குறித்துப் பேசுகிறபோது இவைகளைச் சொன்னான்.
எருசலேமில் இயேசு தன்னுடைய அன்பின் காரணமாக பல அற்புதங்களைச் செய்தார். யாரெல்லாம் இயேசுவை ஏற்றுக்கொள்ள ஆயத்தமாயிருந்தார்களோ அவர்கள் அவருடைய வல்லமை எங்கிருந்து வருகிறது என்பதை அறிந்திருந்தார்கள். ஆனால் குறுகிய மனதுடையவர்கள், பழமைவாதிகள் அவரை ஏற்றுக்கொள்ளத் தவறினார்கள். காரணம் அவர்கள் தங்கள் இனவெறி மற்றும் தவறான கருத்தின் அடிப்படையில் அவரை அளவிட முயன்றார்கள்.
தங்கள் சுயசிந்தனைகளினால் நிறைந்த பலர் இறைவனுடைய வார்த்தைக்குச் செவிகொடுப்பதில்லை. பரிசுத்த ஆவியானவர் மெதுவாகப் பேசுபவர், நாம் அவருக்கு முழு மனதுடன் செவிகொடுக்க வேண்டும்.
ஆனால் கலகக்காரர்கள் நற்செய்தியின் மூலமாகப் பேசும் பரிசுத்த ஆவியானவருக்குச் செவிகொடுக்காமல் தங்கள் இருதயத்தைக் கடினப்படுத்துகிறார்கள். அதுமட்டுமல்ல, இறைவன் தன்னுடைய கோபத்தின் காரணமாக அவர்கள் செவிகொடுக்க முடியாதபடி அவர்களுடைய கேட்கும் திறனையும் பார்க்கும் திறனையும் எடுத்து விடுகிறார். அதன் காரணமாக அவர்களால் தங்களுடைய தேவையைப் புரிந்துகொள்ள முடிவதில்லை. இறைவன் சிலருக்கு இரட்சிப்பையும் சிலருக்கு நியாயத்தீர்ப்பையும் கொடுக்கிறார்.
சில குடும்பங்கள், கோத்திரங்கள் மற்றும் இனங்கள் இறைவனுடைய கோபத்திற்குக் கீழாக வாழ்வதைக் கவனித்துப்பாருங்கள். அவர்களைத் தன்னுடைய சரியான பாதையில் நடத்தும்படி அவர் பலமுறை முயற்சி செய்தபிறகும் அவரைவிட்டு நிரந்தரமாக விலகுபவர்களை அவர் நிராகரித்து விடுகிறார். பரிசுத்த ஆவியானவரின் சத்தத்திற்குச் செவிகொடுக்க மறுப்பவர்களை இறைவன் கடினப்படுத்துகிறார். அவருடைய அன்பை வேண்டுமென்றே தங்கள் காலின் கீழ்போட்டு மிதிப்பவர்களையும் கிறிஸ்துவின் செயலைப் புறக்கணிப்பவர்களையும் இறைவன் தண்டிக்கிறார். இறைவன் தன்னுடைய பரிசுத்தத்தின் காரணமாக கீழ்ப்படியாதவர்களைப் படிப்படியாகக் கடினப்படுத்தி அழிவிற்கு ஒப்புக்கொடுக்கிறார்.
இறைவனை எதிர்ப்பவர்களை அவர் கடினப்படுத்துகிறார் என்ற கருத்து புதுமையானதல்ல, அவருடைய மகிமையோடு தொடர்புடையது. ஏசாயா மக்களை விடுவிக்கும்படி அனுப்பப்படாமல், அவர்களுடைய இருதயத்தைக் கடினப்படுத்துவதற்காக அனுப்பப்பட்டபோது இதைப் புரிந்துகொண்டார் (ஏசாயா 6:1-13). அன்பைப் பற்றிப் பிரசங்கிப்பது, இறைவனுடைய கோபத்தையும் நியாயத்தீர்ப்பையும் பற்றி மக்களை எச்சரிப்பதைவிடக் கடினமானது. அவருக்கு முன்பாக எந்தத் தீமையும் நிற்க முடியாது. அவருடைய மகிமையின் பிரகாசத்தில் அவை பறந்துபோகும். இயேசு இறைவனுடைய அன்பின் மனுவுருவாதலால், அவருடைய ஆள்த்துவம் மக்களைப் பிரிக்கிறது. ஏசாயா தன்னுடைய தரிசனத்தில் கண்டவர்தான் இயேசு என்று யோவான் தைரியமாக வலியுறுத்துகிறார். ஏனெனில் பிதாவும் குமாரனும் தங்கள் பரிசுத்தத்திலும் மகிமையிலும் ஒன்றாயிருக்கிறார்கள்.
யோவான் 12:42-43
42 ஆகிலும் அதிகாரிகளிலும் அநேகர் அவரிடத்தில் விசுவாசம்வைத்தார்கள். அப்படியிருந்தும் ஜெப ஆலயத்துக்குப் புறம்பாக்கப்படாதபடி, பரிசேயர்நிமித்தம் அதை அறிக்கைபண்ணாதிருந்தார்கள். 43 அவர்கள் தேவனால் வருகிற மகிமையிலும் மனுஷரால் வருகிற மகிமையை அதிகமாய் விரும்பினார்கள்.
42 ஆகிலும் அதிகாரிகளிலும் அநேகர் அவரிடத்தில் விசுவாசம்வைத்தார்கள். அப்படியிருந்தும் ஜெப ஆலயத்துக்குப் புறம்பாக்கப்படாதபடி, பரிசேயர்நிமித்தம் அதை அறிக்கைபண்ணாதிருந்தார்கள். 43 அவர்கள் தேவனால் வருகிற மகிமையிலும் மனுஷரால் வருகிற மகிமையை அதிகமாய் விரும்பினார்கள்.
நற்செய்தியாளனாகிய யோவானுக்கு பிரதான ஆசாரியனுடைய குடும்பத்தாரிடம் செல்வாக்கிருந்தது (யோவான் 18:15). பொதுமக்கள் இயேசுவை விட்டுத் தூரமாக விலகியிருந்தபோதிலும், தலைவரர்களில் சிலர் அவரை விசுவாசித்தார்கள் என்று அவர் குறிப்பிடுகிறார். இறைவன் இயேசுவுடன் இருக்கிறார் என்றும் அவருடைய வார்த்தைகள் வல்லமையும் சத்தியமும் நிறைந்தவைகள் என்றும் அவர்கள் அறிந்திருந்தபோதிலும், வெளிப்படையாக அவருக்குச் சாட்சி கொடுக்க அவர்கள் தயங்கினார்கள்.
இப்படிப்பட்ட மனிதர்கள் தங்களுடைய மனசாட்சிக்கு எதிராக இயேசுவைப் பற்றி ஆலோசனைச் சங்கம் எடுத்த முடிவை ஏன் ஏற்றுக்கொண்டார்கள்? அவர்கள் சத்தியத்தைவிடவும் பாதுகாப்பையும் புகழையும் முக்கியப்படுத்தினார்கள். பரிசேயரினால் இவற்றிற்கு ஆபத்து வந்தவிடும் என்று அஞ்சினார்கள். எருசலேமில் இருக்கிற யாரும் இயேசுவை ஆதரித்தால் அவர்களைப் புறம்பாக்கி விடுவோம் என்று பரிசேயர்கள் பயமுறுத்தியிருந்தார்கள். ஆகவே இந்தத் தலைவர்கள் தங்கள் அந்தஸ்தை விட்டுக்கொடுக்க மனதில்லாமல், தடையுத்தரவையும் உபத்திரவத்தையும் கண்டு பயந்தார்கள். யூத மக்களை விட்டுப் புறம்பாக்கப்பட்ட எவரும் எந்தப் பொருளையும் விற்கவோ வாங்கவோ முடியாது. திருமணம் செய்யவோ, மற்ற மக்களோடு சேர்ந்து விண்ணப்பிக்கவோ முடியாது. அவர்கள் சமுதாயத்தை அசுத்தப்படுத்தும் குஷ்டரோகிகளைப்போல பார்க்கப்படுவார்கள்.
ஏன் இந்த மக்கள் தலைவர்கள் இரகசியமாக கிறிஸ்துவை விசுவாசித்தபோதிலும், வெளிப்படையாக அதை அறிக்கை செய்யவில்லை? அவர்கள் இறைவனுடைய புகழ்ச்சியைப் பார்க்கிலும் மனிதருடைய புகழ்ச்சியை அதிகம் நாடினார்கள். பரிசுத்தமான இறைவனைப் பிரியப்படுத்த வேண்டும் என்பது அவர்களுடைய நோக்கமாயிருக்கவில்லை. அவர்கள் தங்கள் ஆண்டவரைக் காட்டிலும் தங்களையே அதிகமாக நேசித்தார்கள்.
ஒரு மனிதன் இயேசுவை இரகசியமாக விசுவாசித்துக் கொண்டு தனக்கு இயேசுவைப் பற்றி தெரியாது என்பதுபோல நடிப்பவர்களுக்கு ஐயோ. அப்படிப்பட்டவன் ஒரு ஆபத்தான நேரத்தில் இயேசுவை மறுதலிக்கக்கூடியவன். அவன் இறைவனால் வரும் கனத்தையும் பாதுகாப்பையும்விட தன்னுடைய பாதுகாப்பையும் மதிப்பையுமே எதிர்பார்க்கிறான். கர்த்தர் தன்னுடைய நன்மையான சித்தத்தினால் அவர் உங்களை நடத்துவார் என்ற நம்பிக்கையில் உங்கள் இரட்சகரும் கர்த்தருமாகிய அவரை அறிக்கை செய்யுங்கள்.
யோவான் 12:44-45
44 அப்பொழுது இயேசு சத்தமிட்டு: என்னிடத்தில் விசுவாசமாயிருக்கிறவன் என்னிடத்தில் அல்ல, என்னை அனுப்பினவரிடத்தில் விசுவாசமாயிருக்கிறான். 45 என்னைக் காண்கிறவன் என்னை அனுப்பினவரைக் காண்கிறான்.
44 அப்பொழுது இயேசு சத்தமிட்டு: என்னிடத்தில் விசுவாசமாயிருக்கிறவன் என்னிடத்தில் அல்ல, என்னை அனுப்பினவரிடத்தில் விசுவாசமாயிருக்கிறான். 45 என்னைக் காண்கிறவன் என்னை அனுப்பினவரைக் காண்கிறான்.
இயேசு தன்னுடைய போதனையின் சாரத்தைக் கடினமான வார்த்தையின் மூலம் எடுத்துக்கூறி, மக்களை மனந்திரும்ப அழைத்தார். ஆயினும் ஆவிக்குரியவர்களுக்கு அவருடைய கூற்று எளிமையாகவே இருந்தது. “என்னை விசுவாசிக்கிறவன் என்னிடத்தில் அல்ல” என்ற வார்த்தைகள் சற்று முரண்பாடானது போல தோன்றும். ஆனால் அவர் தன்னைப் பின்பற்றி வருபவர்களை தன்னிடத்தில் மட்டும் வைத்துக்கொள்ளாமல் அவர்கள் அனைவரையும் தன்னுடைய பிதாவினிடத்தில் நடத்துகிறார். அவர் தனக்கென்று சிறப்பான உரிமைகள் எதையும் வைத்துக்கொள்ளாமலும் அனைவரும் தன்னை மட்டுமே நம்ப வேண்டும் என்று எண்ணாமலும் இருப்பதைப் பார்க்கிறோம். மனிதர்களுடைய விசுவாசத்தில் பிதாவையே இயேசு முக்கியப்படுத்துகிறார். ஆகவே அவர் எந்த வகையிலும் இறைவனுடைய மகத்துவத்தைக் குறைத்துப் போடாமல் தொடர்ந்து அதை வெளிப்படுத்தி மகிமைப்படுத்துகிறார்.
அதேவேளையில் குமாரன் மூலமாக அல்லாமல் ஒருவனும் பிதாவினிடத்தில் வரமுடியாது. குமாரனை விசுவாசிக்காமல் யாரும் மெய்யாக இறைவனை விசுவாசிக்க முடியாது. பிதா அனைத்து விசுவாசிகளையும் தம்முடைய குமாரனுக்குச் சொந்தமாகக் கொடுத்து, அவரை அனைத்து தெய்வீக குணாதிசயங்களினாலும் அலங்கரித்திருக்கிறார். ஆகவே தாழ்மையுள்ள குமாரன் எந்த அகங்காரமும் இல்லாமல், “என்னைக் கண்டவன் பிதாவைக் கண்டான்” என்று சொல்ல முடியும். நாம் முழுவதும் கீழ்ப்படியத்தக்கதாக இறைவனுடைய வல்லமையையும் மகிமையையும் சுமந்துவரும் இறைவனுடைய உண்மையான அப்போஸ்தலர் இயேசுவே. இறைவனுடைய ஜீவன், ஒளி, மற்றும் மகிமையின் சாராம்சத்தை இயேசுவே காண்பிக்கிறார். இயேசு தன்னுடைய வாழ்விலும் உயிர்த்தெழுதலிலும் வெளிப்படுத்திய இறைவனையல்லாமல் நமக்கு வேறு இறைவனைத் தெரியாது. அவர் தன்னுடைய தாழ்மையினால் பிதாவின் நிலைக்கு உயர்த்தப்பட்டார். உண்மையில் ஏசாயாவின் தரிசனத்தில் தோன்றியவர் இயேசுதான், ஏனெனில் பிதாவுக்கும் குமாரனுக்கும் எந்த வித்தியாசமும் கிடையாது.
யோவான் 12:46-48
46 என்னிடத்தில் விசுவாசமாயிருக்கிறவனெவனும் இருளில் இராதபடிக்கு, நான் உலகத்தில் ஒளியாக வந்தேன். 47 ஒருவன் என் வார்த்தைகளைக் கேட்டும் விசுவாசியாமற்போனால், அவனை நான் நியாயந்தீர்ப்பதில்லை; நான் உலகத்தை நியாயந்தீர்க்கவராமல், உலகத்தை இரட்சிக்கவந்தேன். 48 என்னைத் தள்ளி என் வார்த்தைகளை ஏற்றுக்கொள்ளாதவனை நியாயந்தீர்க்கிறதொன்றிருக்கிறது; நான் சொன்ன வசனமே அவனைக் கடைசிநாளில் நியாயந்தீர்க்கும்.
46 என்னிடத்தில் விசுவாசமாயிருக்கிறவனெவனும் இருளில் இராதபடிக்கு, நான் உலகத்தில் ஒளியாக வந்தேன். 47 ஒருவன் என் வார்த்தைகளைக் கேட்டும் விசுவாசியாமற்போனால், அவனை நான் நியாயந்தீர்ப்பதில்லை; நான் உலகத்தை நியாயந்தீர்க்கவராமல், உலகத்தை இரட்சிக்கவந்தேன். 48 என்னைத் தள்ளி என் வார்த்தைகளை ஏற்றுக்கொள்ளாதவனை நியாயந்தீர்க்கிறதொன்றிருக்கிறது; நான் சொன்ன வசனமே அவனைக் கடைசிநாளில் நியாயந்தீர்க்கும்.
ஆப்பிரிக்காவின் பல கிராமங்களில் ஒரு பயங்கர நோய் பரவியது. மக்கள் காய்ச்சலினால் தங்களுடைய காட்டுக் குடிசைக்குள் தூக்கித் தூக்கி எறியப்படுவார்களாம். இந்த நோயினால் பாதிக்கப்பட்டவர்கள் சூரிய வெளிச்சத்தில் நடந்தால் அந்த நோயின் கிருமிகள் அழிக்கப்படும் என்று அங்கு விரைந்து சென்ற மருத்துவர் அறிந்துகொண்டார். ஆகவே அவர் மக்களை நோக்கி “நீங்கள் உங்கள் இருளடைந்த காட்டுக் குடிசைகளிலிருந்து வெளியே வந்து சுகமடையுங்கள். உங்களைப் பாதித்திருக்கும் கிருமி சூரிய வெளிச்சத்தினால் அழிந்து போகும்” என்று கூப்பிட்டுச் சொன்னார். பலர் அதை நம்பி குடிசைக்கு வெளியே சென்று சுகமடைந்தார்கள். மற்றவர்கள் வலியின் காரணமாக மருத்துவர் சொன்னதை நம்பாமல் வீட்டுக்குள்ளேயே இருந்து மரணத்தைத் தழுவிக் கொண்டார்கள். மருத்தவரும் சுகமாக்கப்பட்ட சிலரும் மரணத்தோடு போராடிக் கொண்டிருக்கும் அவர்களைப் பார்த்து, “நீங்கள் ஏன் சூரிய வெளிச்சத்திற்குப் போகவில்லை?” என்று கேட்டார்கள். அதற்கு அவர்கள், “ஐயோ, நீங்கள் சொன்னது எங்களுக்கு மிகவும் எளிமையாகத் தோன்றியது. நாங்கள் நோயினால் பாதிக்கப்பட்டு மிகவும் களைப்படைந்திருந்தோம்” என்று பதிலுரைத்தார்கள். அப்போது அந்த மருத்துவர் அந்த மக்களைப் பார்த்து, “நீங்கள் நோயினால் சாகவில்லை, என்னுடைய வார்த்தைகளை நம்பாததால்தான் சாகிறீர்கள்” என்று கூறினார்.
இந்த உதாரணம் கிறிஸ்துவின் வல்லமையை விளக்குகிறது. அவர் தீமையை வெற்றி கொண்டு, பாவ இருளின்மீது உதிக்கும் நீதியின் சூரியனாயிருக்கிறார். அவருடைய அதிசமான ஒளிக்குள் வருகிற எவரும் இரட்சிக்கப்படுகிறார்கள். மக்களைப் பாவத்திலிருந்தும் மரணத்திலிருந்து விடுவிப்பதைத் தவிர அவருக்கு வேறு எந்த நோக்கமும் இல்லை. அனைத்து அழிவு சக்திகளிலிருந்தும் அவருடைய வார்த்தை நம்மை விடுவிக்கும். அவருடைய வார்த்தையைக் கேட்டு, விசுவாசித்து, பற்றிக்கொண்டு, அவரிடம் வந்து, அவருக்குக் கீழ்ப்படியும் எவரும் என்றென்றும் வாழ்வார்கள். மரணம் அவர்கள் மீது ஆளுகை செய்யாது.
ஆனால் யார் அவருடைய வார்த்தையைக் கேட்டு அதை தன்னுடைய இருதயத்தில் வைக்கவில்லையோ அவர்கள் பாவத்தில் மூழ்கி, இறைவனுடைய நியாயத்தீர்ப்புக்கு உட்பட்டு, புறம்பான இருளிலே தள்ளப்படுவார்கள். இவ்விதமாக நற்செய்தி அவிசுவாசிகளுடைய அழிவுக்குக் காரணமாயமையும். நீங்கள் இயேசுவை இரட்சகராக ஏற்றுக்கொண்டிருக்கிறீர்களா? நீங்கள் அவருடைய வார்த்தைகளை மனப்பாடம் செய்து அதன்படி வாழ முடிவு செய்துள்ளீர்களா?
யோவான் 12:49-50
49 நான் சுயமாய்ப் பேசவில்லை, நான் பேசவேண்டியது இன்னதென்றும் உபதேசிக்கவேண்டியது இன்னதென்றும் என்னை அனுப்பின பிதாவே எனக்குக் கட்டளையிட்டார். 50 அவருடைய கட்டளை நித்திய ஜீவனாயிருக்கிறதென்று அறிவேன்; ஆகையால் நான் பேசுகிறவைகளைப் பிதா எனக்குச் சொன்னபடியே பேசுகிறேன் என்றார்.
49 நான் சுயமாய்ப் பேசவில்லை, நான் பேசவேண்டியது இன்னதென்றும் உபதேசிக்கவேண்டியது இன்னதென்றும் என்னை அனுப்பின பிதாவே எனக்குக் கட்டளையிட்டார். 50 அவருடைய கட்டளை நித்திய ஜீவனாயிருக்கிறதென்று அறிவேன்; ஆகையால் நான் பேசுகிறவைகளைப் பிதா எனக்குச் சொன்னபடியே பேசுகிறேன் என்றார்.
இயேசு இறைவனுடைய வார்த்தையாயிருக்கிறார். இறைவன் சிந்திப்பதையும் விரும்புவதையுமே இயேசுவின் பேச்சில் நாம் கேட்கலாம். கிறிஸ்துவே இறைவனிடமிருந்து உங்களுக்கு வரும் நேரடியான செய்தியாவார். குமாரன் கீழ்ப்படிவுள்ளவராக, பிதாவின் சத்தத்தைக் கேட்டு அதை மனிதர்களுடைய மொழிகளில் இயேசு நமக்குக் கொடுக்கிறார். அவர் குற்றமுள்ள உலகத்தைப் பார்த்து இவ்வாறு பேசுகிறார்: “நான் நித்தியமானவர். உங்களுடைய பிதாவாக இருப்பேன். என்னுடைய கிருபையினால் நான் உங்களுக்க முடிவற்ற வாழ்வைக் கொடுப்பேன். நீங்கள் இறைவனுடைய கோபத்திற்கும் அழிவிற்கும் காரணமானவராயிருக்கலாம். ஆயினும் நான் உங்களை நேசிக்கிறேன். நீங்கள் நீதிமான்களாக்கப்பட்டு, பரிசுத்த ஆவியைப் பெற்றுக்கொள்ளும்படி நான் என்னுடைய பரிசுத்த மகனை உங்களுக்காகப் பலியிட்டேன். நீங்கள் மரிப்பதில்லை. என்னுடைய மேசியாவின் கரத்திலிருந்து நீங்கள் நித்திய வாழ்வைப் பெற்றுக்கொள்ளும்படி உங்களை அழைக்கிறேன். யார் அதைப் பெற்றுக்கொள்ளவில்லையோ அவர்கள் பரதீûஸக் காணாமாட்டார்கள், மெய்வாழ்வைப் பெற மாட்டார்கள்.” இந்த வார்த்தைகளின் மூலமாக இறைவன் மனித குலத்திற்கு இலவசமான இரட்சிப்பை வாக்களிக்கிறார். ஆனாலும் யாரெல்லாம் கிறிஸ்துவைப் புறக்கணிக்கிறார்களோ அவர்கள் இறைவன் தந்த அழகிய வாழ்வைப் புறக்கணித்தபடியால் குழியில் விழுவார்கள்.
நன்றி:
Water of life.org
