பரலோக ராஜ்ஜியம் தேவானுடைய ராஜ்ஜியம்

பரலோகம்:-

பரலோகம் அல்லது மோட்சம் என்பது தேவனாகிய கர்த்தர் சிங்காசனத்தில்
வீற்றிருக்கும் இடமாகும். சிங்காசன காட்சியை அறிய வெளி 4 மற்றும் 5 ஆம்
அதிகாரங்களை படித்து பாருங்கள். பரலோகத்தை மூன்றாம் வானம் என்றும் வேதம்
கூறுகிறது (2கொரி 12:2-3).

மூன்றாம் வானம்:-

மேக மண்டலம் வரையுள்ள ஆகாய மண்டலம் முதலாம் வானம் என்றும் எல்லா
வின்மீன்களையும் உள்ளடக்கிய பேரண்டம் இரண்டாம் வானம் என்றும் பிதாவாகிய
தேவன் சிங்காசனத்தில் அமர்ந்திருக்கும் தொழுகை (ஆராதனை) இடம் மூன்றாம்
வானம் என்றும் கூறப்படுகிறது. மூன்றாம் வானம் வடதிசையில் துருவ
விண்மீனுக்கு அருகிலுள்ள ஒரு கோள் (உலகை போன்ற இடம்) என்று
கருதப்படுகிறது.

பரலோக ராஜ்ஜியம்:-

பரலோக ராஜ்ஜியம் என்பது பரலோகத்தை குறிப்பிடாமல் பரலோகத்தின் அரசாட்சியை
குறிக்கிறது. வேதத்தில் பரலோக ராஜ்ஜியம் என வரும் சொற்றொடர் இடமெல்லாம்
ஆராய்ந்தால் இதை நன்குணரலாம். "நான் தேவனுடைய ஆவியால் பிசாசுகளை
துரத்துகிறபடியால் தேவனுடைய ராஜ்ஜியம் உங்களிடத்தில்
வந்திருக்கிறதே" என இயேசு கூறினார் (மத் 12:28). பிசாசுகளின் மேல்
தேவனுடைய வல்லமை செயல்படுவது தேவனுடைய ஆட்சி அவர்களிடத்தில்
(அவர்களுக்குள் அல்ல) வந்திருப்பதை காட்டுகிறது. எனவே தேவனுடைய ராஜ்ஜியம்
என்பது பரலோகத்தை குறிக்காமல் தேவனுடைய ஆட்சி செயல்படுவதை குறிக்கிறது.

பரலோக ராஜ்ஜியம், தேவனுடைய ராஜ்ஜியம் இரண்டும் ஒன்று தானா? :-

பரலோக ராஜ்ஜியம் என்ற சொல்லை மத்தேயு மட்டுமே குறிப்பிடுகிறார். மத்தேயு
கூறியதை மாற்கு, லூக்கா கூறும் போது தேவனுடைய ராஜ்ஜியம் என்றே ஒவ்வொரு
முறையும்
பயன்படுத்துகின்றனர். திறந்த மனதுடன் ஆதாய்ந்தால் இரண்டும் ஒன்று தான்
என்ற உண்மை புலப்படும். அதாவது தேவனுடைய ராஜ்ஜியம் என்பதை மத்தேயு தமது
பானியில் பரலோக ராஜ்ஜியம் என கூறியுள்ளார் என்பது தெளிவு.

மூன்று வித விளக்கங்கள்:-

வேதத்தில் தேவனுடைய ராஜ்ஜியத்தை பற்றிய எல்லா பகுதிகளையும் ஆராய்ந்து
பார்த்தால் தேவனுடைய ராஜ்ஜியத்தின் மூன்று அம்சங்கள் தெரிகின்றன.

1). தனி மனிதனுக்குள் தேவனுடைய ராஜ்ஜியம்:-

தேவனுடைய ராஜ்ஜியம் உங்களுக்குள் இருக்கிறதே என கர்த்தர் கூறினார் (லூக்
17:21). ஒரு மனிதன் கிறிஸ்துவை ஏற்றுக்கொண்டு மறுபடியும் பிறக்கும் போது
அவனுடைய வாழ்க்கை ஆவியானவரால் நடத்தப்பட ஒப்புக் கொடுக்கப்படுகிறது.
இயேசுவும் பிதாவும் அவனுக்குள் வாசம் செயகின்றனர் (யோவா 14:23).
மேலும், அம்மனிதன் ஆவியானவரால் வழிநடத்தப்படுகிறான் (ரோமர் 8:14).
இவ்விதமாக நாம் இருளின் அதிகாரத்தில் இருந்து தேவனால் விடுவிக்கப்பட்டு
கிறிஸ்துவின் ராஜ்ஜியத்திற்குள் வருகிறோம் (கொலோ 1:13). எனவே இயேசுவை
இரட்ச்சகராக
ஏற்றுக்கொள்ளும் பொழுது தேவனுடைய ராஜ்ஜியம் அவனுக்குள் நிறுவப்படுகிறது.
அவன் தேவனுடைய ராஜ்ஜியத்தின் குடிமகன் ஆகிறான்.

ஒரு மனிதன் விலையுயர்ந்த முத்து ஒன்றை கண்டு, தான் சேகரித்துள்ள யாவையும்
விற்று அதை வாங்கி கொள்கிறான் என்ற இயேசுவின் உவமை இதை விளக்குகிறது (மத்
13:45-46). அவ்வாறே ஒரு நிலத்தில் இருந்த புதையலை (பொக்கிஷத்தை) அறிந்த
மனிதர் தனக்குள்ள யாவையும் விற்று அந்த நிலத்தை வாங்கினான் என்ற
இயேசுவின் உவமையும் இதை தெளிவுபடுத்துகிறது (மத் 13:44). இரட்சிப்பு
எவ்வளவு முக்கியம், அது எவ்வளவு விலையேறப் பெற்றது, அதை எப்படியாவது
பெற்றுக்கொள்ள வேண்டும் என்பதை தான் இந்த உவமைகள் விளக்குகிறது. தேவனுடைய
ராஜ்ஜியம் (நற்செய்தி வாயிலாக, பல வகையிலும்) பலவந்தம் பன்னபடுகிறது;
பலவந்தம் பன்னுகிறவர்கள் அதை பிடீத்துக்கொள்கிறார்கள் என்றும் கர்த்தர்
கூறியுள்ளார் (மத் 11:12; லூக் 16:16), பலவந்தம் பன்னுகிறவன்
(பெற்றுக்கொள்வதற்காக விடா முயற்ச்சி செய்கிறான்) இரட்சிப்படைவதை
குறிக்கிறது.

2). சபையாகிய தேவனுடைய ராஜ்ஜியம்:-

தமது சரீரமாகிய சபையை ஆட்சி செய்யும் தலையாக இயேசு செயல்படுகிறார் (எபே
1:23; 5:23). விதை முளைத்து பயிராவதற்கு தேவனுடைய ராஜ்ஜியத்தை இயேசு
ஒப்பிட்டார்
(மாற் 4:26-29). வசனத்தை விதைக்கும் பொழுது அநேகர் இரட்சிக்கபடுவதை இது
குறிக்கிறது. இரட்சிக்க படுகிறவர்கள் இயேசுவின் சரீரமாகிய சபையில்
சேர்க்கபடுகின்றனர். தேவனுடைய ராஜ்ஜியத்தை குறிக்கும் கடுகு விதை உவமை
(மத் 13:31-32) சிறிதாக துவங்கி, பெரிதாக வளரும் சபையை குறிக்கிறது.
நல்ல விதை விதைக்கப்பட்ட நிலத்தில் சத்துரு கலைகளை விதைத்து நற்செடிகளும்
கலைகளும் வளர்ந்துள்ள நிலமும் இக்கால சபையை குறிக்கும் உவமையாகும்
(மத் 13:24-30). பேதுரு தனக்கு அளிக்கப்பட்ட
திறவுகோள்களை பயன்படுத்தி (மத் 16:19), யூதரின் நடுவிலும் புறஜாதியினர்
நடுவிலும் சபையின் விரிவாக்கத்தை தொடங்கினான். எனவே மத்தேயு 16:19 இல்
பரலோக ரசஜ்ஜியம் என்பது சபையை குறிக்கிறது. புளித்த மாவு உவமையும் சபையை
குறிக்கிறது (மத் 13:33; லுக்கா 13:20-21). திராட்ச்சை தோட்டத்தில் வேலை
செய்யும்படி பல நேரங்களில் ஆட்களை அனுப்பிய உவமையில் திராட்ச்சை தோட்டம்
என்பது சபையை குறிக்கிறது (மத் 20:1-16). இவை யாவும் தேவனுடைய
ராஜ்ஜியத்தை பற்றி இயேசு கூறிய உவமைகள் ஆகும்.

தேவனுடைய ராஜ்ஜியம் உங்களில் இருந்து நீக்கபட்டு அதற்கேற்ற கனிகளை தருவோருக்கு
கொடுக்கப்படும் என இயேசு கூறியது (மத் 21:43) அதுவரை தேவன் தம்
தீர்கதரிசிகளாலும், வாக்குதத்தங்களினாலும் ஆட்சி செய்து வந்த யூதரை
விட்டு, புறஜாதியாரை தம் ஜனங்களாக (சபையாக) ஏற்றுக் கொள்வதை குரிக்கிறது.
தேவனுடைய ராஜ்ஜியம் பேச்சில் அல்ல பெலத்திலே இருக்கிறது (1கொரி 4:20).
ஆவியானவரின் வல்லமையினால் செயல்படாதவர்கள் கிறிஸ்துவின் சரீரமாகிய
சபையில் இல்லை என்பதை இது சுட்டி காட்டுகிறது.

ஆவிக்குரிய ராஜ்ஜியம்:-

பாகம் 1ல் நாம் பார்த்த இரண்டும் ஆவிக்குரிய ராஜ்ஜியத்தை குறிக்கிறது.
யூதர்கள் உலகுக்குரிய தேவனுடைய ராஜ்ஜியத்தை உடனடியாக எதிர்பார்த்தனர்.
எனவே அது அப்போது காணும்படியாக (பிரத்தியச்சமாக) வராது என கர்த்தர்
கூறினார் (லூக் 17:20). மேலும் என்னுடைய ராஜ்ஜியம் இவ்வுலகத்துகு உரியது
அலல என பிலாத்துவிடம் இயேசு கூறிய பொழுது (யோவா 18:36) தமது ஆவிக்குரிய
ராஜ்ஜியத்தை குறிப்பிட்டார். ஆனால் தமது இரண்டாம் வருகையை அடுத்து இயேசு
உலகத்தில் அரசாளுவார் என வேதம் கூறுவது (மத் 25:31) நாம் அறிந்ததே. இதை
வரவிருக்கும் தேவனுடைய ராஜ்ஜியம் என்று கான்கிறோம்.

3). தேவனுடைய நேரடி அரசாட்சி (வருங்கால தேவனுடைய ராஜ்ஜியம்):-

இயேசு மீண்டும் வந்து முழு உலகத்தையே அரசாளுவார் என்று பழைய மற்றும்
புதிய ஏற்பாடுகளில் பல இடங்களில் கூறப்பட்டுள்ளது. மேற்கிலும்
கிழக்கிலும் இருந்து வருவார்கள், ஆயகாரரும், வேசிகளும் ஆபிரகாம் ஈசாக்கு
யாக்கோபு என்பவர்களும் பரலோக ராஜ்ஜியத்தில்
பந்தியிருப்பார்கள் என்பது வருங்கால ராஜ்ஜியத்தை குறிக்கிறது (மத்
8:11-12; 21:31; லூக் 13:28-29). நீதிமான்..... பிதாவின்
ராஜ்ஜியத்திலே... (மத் 13:43) என்பதும், பிதாவின் ராஜ்ஜியத்திலே.... (மத்
26:29; மாற் 14:25; லூக் 22:16,18) என இயேசு கூறியதும் வருங்கால
ராஜ்ஜியத்தையே குறிக்கிறது. பிதாவின் ராஜ்ஜியத்தை
சுதந்தரிக்கும்படி இயேசு கூறிய போதும் (மத் 25:31-34), உங்களுக்கு
ராஜ்ஜியத்தை கொடுக்க......, (லூக் 12:32) என இயேசு கூறியதும் வருங்கால
ராஜ்ஜியத்தையே குறிக்கிறது.
மேலும் மாற் 9:47ல் தேவனுடைய ராஜ்ஜியத்தில் நுழைவது..., என்பதும்
வருங்கால ராஜ்ஜியமே. இயேசுவின் ஆயிர வருட ஆட்சி தொடங்கும் இதில்
பரிசுத்தவான்கள் இருப்பார்கள் (வெளி 20:4,6). பிறகு புதிய பூமியில்
பிதாவும் குமாரனும் அரசாளுவார்கள் (வெளி 22:1). இந்த ஆட்சி என்றென்றும்
இருக்கும். பரிசுத்தவான் தொடர்ந்து என்றென்றும் இயேசுவுடன் அரசாளுவார்கள்
(தானி 7:18,21,27; 1கொரி 15:25-28). இவையெல்லாம் தேவனுடைய நேரடி ஆட்சியை
குறிக்கிறது. இந்த ராஜ்ஜியத்தில் நுழைவதற்காக சொல்லப்பட்ட உவமைகளை (மத்
25:1-13; 14-30; லூக் 19:11-27; மத் 13:47-50) விவரிக்கிறது.

இந்த அரசில் பெரியவன் சிறியவன் உண்டு என இயேசு கூறியுள்ளார் (மத் 5:19;
11:11; லூக் 7:28). இந்த ராஜ்ஜியத்தை குறிக்கும் பல குறிப்புகளை
ஏசாயா 11;
தானி 2:44;
மத்தேயு 7:21-23;
லூக்கா 1:33; 21:31; 22:29-30; 23:42
அப் 1:6;
1கொரி 6:9-10; 15:24,50;
கலா 5:19-21;
எபே 5:5;
2தீமோ 4:18;
எபி 1:8; 12:28;
2பேதுரு 1:11;
வெளி 12:10
போன்ற பகுதிகளை தியானித்து அறிந்து கொள்ளுங்கள்.

மறுபடியும் பிறவாதவர், ஜலத்தினாலும் ஆவியினாலும் பிறவாதவர் தேவனுடைய
ராஜ்ஜியத்தில் பிரவேசிக்க முடியாது (யோவா 3:3, 5). பாவத்தில் ஜீவிப்பவர்
பிரவேசிப்பதில்லை (கலா 5:19-21; எபே 5:5). பின்மாற்றதில் வாழ்கிறவர்கள்
அதற்குள் செல்ல தகுதி இழக்கின்றனர் (லூக் 9:62). இதற்குள் வர
ஈவிரும்புகிறவர்கள் அநேக உபத்திரவங்களை கடக்க வேண்டும் என வேதம்
கூறுகிறது (அப் 14:22;
2தெச 1:5).

மூன்று வகை
ராஜ்ஜியத்திற்கும்
பொருந்தும் பகுதிகள்:-

ஆவிக்குரிய ராஜ்ஜியத்தில் பிரவேசிப்போர்களே இறுதி ராஜ்ஜியத்திலும்
பங்கேற்க முடியும். மத் 5:3இன் படி ஆவியில் எளிமை உள்ளவர்களே தங்களை
தாழ்த்தி இயேசுவை ஏற்றுக்கொள்ள முடியும். இப்படிபட்டவர்களே இறுதியில்
இயேசுவுடன் அரசாள முடியும்.

மத் 6:33; லூக் 21:36; வெளி 22:11 இந்த பகுதிகளின் படி தேவனுடைய
ராஜ்ஜியம், நீதியை தேடு என்பது தனி மனிதன் தன் இரட்சிப்பையும், இயேசுவின்
சரீரமாகிய சபையின் நன்மைகளையும் நாடுவதோடு, வர போகும் ராஜ்ஜியத்திற்கு
ஆயத்தமாவதையும் அதற்காக ஜெபிப்பதையும் அதன் விரிவாக்கத்திற்காக ஆத்தும
ஆதாயம் செய்வதையும் குறிக்கிறது.

இத்தகைய கருத்துகளை மத் 5:3, 10, 20; 6:10; 18:1-4; 19:23-24; லூக் 6:20;
11:2; 12:31; 18:16-17; ரோம 14:17 போன்றவற்றிலும் அறியலாம்.